ԱՐԵՒԵԼԱՀԱՅԵՐԷՆ

Հրանտ Դինքի սպանության առնչությամբ համակցված երկու դատական գործերի առաջին լսումն այսօր է։ Ապրիլի 19-21-ի ընթացքում կայանալիք լսումների ընթացքում առաջին անգամ 34 կասկածյալ՝ 8-ը ձերբակալված, միասին կանգնելու են դատարանի առաջ։

Աֆրիկացի փախստականներին տեղափոխող նավակները շրջվել են, որի հետևանքով մոտ 400 փախստական է մահացել։

Դիարբեքիրի Սուր գավառի անհապաղ օտարման մասին որոշումը չեղյալ հայտարարելու համար շարունակում են դատական գործեր հարուցվել։ Ասորական հիմնադրամը և բողոքական եկեղեցին օտարման որոշումը չեղյալ հայտարարելու պահանջով դիմել են դատարան։

Շվեդա-թուրքական կազմակերպության փոխնախագահ Բարբարոս Լեյլանին անցած շաբաթ Ստոկհոլմում ունեցած ելույթի ժամանակ հանդես է եկել հակահայկական, ազգայնական հայտարարություններով, որից հետո ստիպված է եղել հրաժարական ներկայացնել։

Ապրիլի 2-ին ղարաբաղա-ադրբեջանական շփման գծում սկսած հակամարտության պատճառով երկու կողմն էլ մեծ թվով կորուստներ է ունեցել։ Սպանված զինվորների փոխանակման ընթացքում հայտնի է դարձել, որ հայ զինծառայողների մարմինները/զինվորները խոշտանգման են ենթարկվել։ Մի քանի զինվորի գլխատման հանգամանքը հասարակության շրջանում ԻՊ-ի շուրջ քննարկումների առիթ է դարձել։

ՓՔՔ-ի անդամները (Քրդական աշխատավորական կուսակցություն) պայթուցիկով լի մեքենայով հարձակվել են Դիարբեքիրի Հանի գավառի ժանդարմերիայի վրա։ Հարձակման հետևանքով 2 զինվոր մահացել է, 47 հոգի՝ վիրավորվել։ Վիրավորներից 39-ը զինվորական են։ Պայթյունի լուսաբանման արգելք է սահմանվել։

Դաշնային ներքին գործերի նախարարությունը հայտարարել է, որ Գերմանիայում 2015թ․ ընթացքում անչափահաս 6 հազար երեխա և երիտասարդ է անհետ կորել։

Թեւան Պողոսյանը 2012-ից ՀՀ ԱԺ պատգամավոր է, 1997-1999թթ․ Վաշինգտոնում Ղարաբաղի ներկայացուցիչն է եղել։ Թեւան Պողոսյանը Ղարաբաղում տեղի ունեցող զարգացումների մասին իր գնահատականներն է ներկայացրել «Ակօս»-ին։

Associated Pressխի հաղորդմամբ՝ համացանցում է հայտնվել մի տվյալների բազա, որը ներառում է Թուրքիայի գրեթե 50 միլիոն քաղաքացու նույնականացման քարտի տվյալները։ Այս բազան որպես այդպիսին մինչ օրս տեղի ունեցած ամենամեծտեղեկատվական արտահոսքն է համարվում։