ԻՊ

Ասորական միջազգային լրատվական գործակալությունը (ԱՄԼԳ) հրապարակել է «Իսլամական պետության» և մյուս ռադիկալ իսլամական խմբերի կողմից կործանված եկեղեցիների ցանկը։ Ցանկում կան նաև երեք հայկական եկեղեցիներ։

Թուրքիա ժամանած ռուսական «Ռոսիա-1» հեռուստաալիքի լրագրողները արտաքսվել են երկրից այն բանից հետո, երբ մուտք են գործել Հաթայ քաղաք։ Ռուսաստանի արտգործնախարարությունն այս որոշումը որակավորել է «անընդունելի», մինչդեռ Թուրքիան դեռ պաշտոնական հայտարարություն չի արել։

Նոյեմբերի 12-ին՝ Փարիզի ահաբեկչական գործողություններից մեկ օր առաջ, պայթյուն էր տեղի ունեցել Բեյրութի հարավային արվարձաններից մեկում: Պայթյունի հետևանքով 44 հոգի զոհվել, 200-ից ավել մարդ վիրավորվել էր: Լիբանանի այդ թաղամասը հիմնականում բնակեցված է շիաներով և այս խմբի ամենամեծ կուսակության՝ Հիզբուլլահի կենտրոնն է:

Բողոքական եկեղեցիները շարունակում են մահվան սպառնալիքներ ստանալ։ Համացանցում տարածված տեսանյութը, որում առկա է նաև ԻՊ-ի (Իսլամական պետություն) դրոշը, ուղղված է եկեղեցում աշխատող հոգևորականների և համայնքի անդամների դեմ։

Փարիզում, որտեղ իրականացվեց ամենաարյունոտ ահաբեկչական գործողություններից մեկը, հասարակական վայրերը նորից բացվում են։ Ոստիկանությունը շարունակում է ԻՊ կասկածյալներին ուղղված գործողությունները։