Իսթանպուլի մէջ գործող Պաթմանի Հայրենակցական Միութիւն, ՊԱՏԷՐ-ը յատուկ միջոցառումով մը նշեց Պաթման գաւառի «քաղաք» կոչուելու 25 ամեակը։ Միջոցառման հրաւիրուած էին հարեւան քաղաքներու հայրենակցական միութիւներու ներկայացուցիչները։Ապա միութեան ատենապետը յուշանուէրներ յանձնեց մեծարեալներուն։ Սարգիս Սերովբեանի յուշանուէրը յանձնուեցաւ իր որդիին՝ Վաղարշակ Սրկ. Սերովբեանին։
Իսթանպուլի մէջ գործող Պաթմանի Հայրենակցական Միութիւն, ՊԱՏԷՐ-ը յատուկ միջոցառումով մը նշեց Պաթման գաւառի «քաղաք» կոչուելու 25 ամեակը։ Միջոցառման հրաւիրուած էին հարեւան քաղաքներու հայրենակցական միութիւներու ներկայացուցիչները։ Կազմակերպիչները այս մէկտեղումը ձօնած էին նաեւ Թուրքիոյ ժողովուրդներու բարեկամութեան։ Իբրեւ լրագրող, գրող եւ պատմաբան, ժողովրդավարութեան, խաղաղութեան եւ ժողովուրդներու բարեկամութեան ի նպաստ ծառայութիւններուն բերմամբ մեծարուեցան Ճէնկիզ Չանտար, Մուրատ Պէլկէ, Նէտիմ Կիւրսէլ եւ «Ակօս»ի հայերէն էջերու վաստակաւոր աւագ խմբագիր, թերթիս անձնակազմին սիրելի մեծ եղբայր, հանգուցեալ՝ Սարգիս Սերովբեան։
Օրուայ հանդիսավար, հեռուստաէկրանի հանրածանօթ դէմքերէն Ճէմ Էօզէր, ոգեւորուած ժողովուրդներու բարեկամութեան խորհուրդէն, յայտնեց թէ ինք կիսով հայ է եւ կիսով չերքէզ։ Ապա միութեան ատենապետը յուշանուէրներ յանձնեց մեծարեալներուն։ Սարգիս Սերովբեանի յուշանուէրը յանձնուեցաւ իր որդիին՝ Վաղարշակ Սրկ. Սերովբեանին։
Սասունի Հայրենակցական Միութիւնն ալ իր կարգին բնօրրանի յատուկ նիւթերով նկար նուիրեց մեծարեալներուն։