Լիբանանը արդէն մէկ տարիէ աւելի է, որ նախագահ չունի, իսկ կառավարութիւնը ինքն իրեն երկարացուցած է կառավարման իր ժամանակահատուածը։ Շաբաթ օրը, Օգոստոսի 22-ին հազարաւոր լիբանանցիներ հաւաքուած էին Ռիադ էլ Սոլ Պեյրութ՝ վարչապետի նստավայրի մօտ, բողոքելու կառավարութեան ձախողման եւ շաբաթներով երկրի մէջ կուտակուած աղբի ու չգործող աղբանոցներու դէմ։
ՌԱՔԵԼ ՓԱՐԹԱՄԵԱՆ
Լիբանանը արդէն մէկ տարիէ աւելի է, որ նախագահ չունի, իսկ կառավարութիւնը ինքն իրեն երկարացուցած է կառավարման իր ժամանակահատուածը։ Շաբաթ օրը, Օգոստոսի 22-ին հազարաւոր լիբանանցիներ հաւաքուած էին Ռիադ էլ Սոլ Պեյրութ՝ վարչապետի նստավայրի մօտ, բողոքելու կառավարութեան ձախողման եւ շաբաթներով երկրի մէջ կուտակուած աղբի ու չգործող աղբանոցներու դէմ։
2005 թուականէն ի վեր, սա առաջին դէպքն էր, որ մարդիկ, անկախ կրօնական ու ազգային պատկանելութենէն, խաղաղ ցոյցի համար դուրս եկած էին փողոց՝ պաշտպանելու իրենց իրաւունքները եւ պահանջելու կառավարութեան հրաժարականը։
Բողոքի գործողութիւնը կ՚իրականացնէր «YouStink» (հոտած էք) քաղաքական շարժումը։
Լիբանանեան զինուած ուժերը ցուցարարներուն դիմաւորեցին ջրցաններով ու տարբեր ուղղութիւններով նետեցին արցունքաբեր կազեր՝ հարուածելով ցուցարարներու գլուխներուն։
Ոստիկանները կիրառում էին մահակներ, մինչեւ անգամ կը կրակէին ռեզինէ եւ իրական փամփուշտներ։ Տասնեակ մարդիկ վիրաւորուեցան եւ որոշները ձերբակալուեցան։
Բողոքի գործողութիւնը շարունակուեց, ցուցարարները բողոքի դուրս եկան Կիրակի օրը եւս՝ կառավարութենէն պահանջելով կանգնեցնել անմեղ մարդկանց կրակող եւ ծեծող ոստիկաններուն եւ հենց կառավարութեան հրաժարականը։
Բախումներ տեղի ունեցան ոստիկանական ուժերու եւ սադրիչներու միջեւ, երբ վերջիններս փորձեցին հեռացնել փշալարերը ու խանգարել խաղաղ բողոքի գործողութիւնը։
Սադրիչները քարեր եւ պայթուցիկներ նետեցին ոստիկաններուն վրայ, որու հետեւանքով ոստիկանները կրկին գործադրեցին ջրցանը ու արցունքաբեր կազը։
Բախումներու արդիւնքին շատ մարդիկ վիրաւորուեցան։ «YouStink» խումբը կոչ ըրաւ հաւաքուածներուն հեռանալ՝ չուզելով, որ ինչ որ մէկը վնասուի սադրիչներու եւ ոստիկանական ուժերու բախումներու արդիւնքով եւ վերադառնալ Երկուշաբթի՝ շարունակելու խաղաղ ցոյցը։
Բախումները շարունակուեցան ամբողջ գիշեր. կրակոցներու արդիւնքին քանի մը մարդ վիրաւորուեցաւ։
Երկուշաբթի օրը ոստիկանական ուժերը հսկայական պէթոնէ պատ կանգնեցուցին վարչապետի նստավայրի մօտ՝ այն պաշտպանելու համար։ Չնայած հանգստեան օրերու բախումներուն՝ ցուցարարները նորէն հաւաքուեցան՝ պահանջելով կառավարութեան հրաժարականը։ Երեքշաբթի արդէն հսկայական պէթոնէ պատը հեռացուած էր եւ ցոյցը շարունակուեցաւ։