Ինը ոստիկաններ բերման ենթարկուած

Հրանդ Տինքի սպանութեան խնդիրով հարցաքննու­թիւնը կը շա­րու­նա­կուի։ Դա­տախազ Կէօքալփ Քէօք­չիւ վեր­ջերս ինը ոստիկաննե­րու բե­րու­մը պա­հան­ջեց։ Անոնց մէջ է նաեւ Իս­թանպու­լի Լրա­քաղութեան Բաժ­նի նախ­կին տնօ­րէն՝ Ահ­մէտ Իլ­հան Կիւ­լէր եւ Տրա­պիզո­նի Լրա­քաղու­թեան Բաժ­նի տնօ­րէն Ֆա­րուք Սա­րը։ Հար­ցաքննու­թեան մի­ջոցին նոր հայ­ցեր ալ սկսան երե­ւան գալ։ Իս­թանպու­լի Նախ­կին Անվտանգութեան տնօ­րէն Ճէ­լալէտ­տին Ճէր­րահ 15 Դեկ­տեմբեր 2014-ին, հար­ցաքննուեցաւ եւ յայտնեց թէ Հրանդ Տին­քի ու առհա­սարակ հայ հա­մայնքի ուղղեալ սպառ­նա­լիք­նե­րը օրա­կար­գի եկած են քա­ղաքի ապա­հովու­թեան եւ կար­գա­պահու­թեան ժո­ղովի ըն­թացքին։ Ճէր­րա­հի այս յայ­տա­րարու­թիւնը կը ջրէ Ահ­մէտ Իլ­հան Կիւ­լէ­րի նա­խորդ հայ­ցը։ Կիւ­լէր այդ ժա­մանակ պնդած էր որ միայն թրքու­թիւնը նա­խատե­լու դա­տին հետ առնչուած տե­ղեկու­թիւն ու­նի Տին­քի մա­սին։

Ինչպէս ծա­նօթ է, Հրանդ Տին­քի ոճ­րին ու­ղեալ դա­տավա­րու­թիւնը առա­ջին նիս­տէն սկսե­լով կաս­կածներ տա­ծած էր ար­դա­րու­թիւն ակնկա­լող հա­սարա­կութեան մօտ։ Շա­րու­նա­կուող բո­լոր նիս­տե­րուն դա­տակազ­մը յա­մառօ­րէն մեր­ժեց իրա­ւապաշտպան­նե­րուն պա­հանջնե­րը։ Միւս կող­մէ կա­ռավա­րու­թիւնն ալ ընդմիշտ ար­գելք եղաւ պե­տական պաշ­տօ­նեանե­րու հար­ցաքննու­թեան։ Հա­մատա­րած հա­մոզում գո­յացաւ, որ ոճի­րը բեռցնել կ՚ու­զեն ար­դէն առա­ջին պա­հէն յայտնա­բերուած քա­նի մը ան­ճա­րակ գոր­ծի­չի ու­սե­րուն։ Երբ Եւրո­պա­յին Մար­դու Իրա­ւունքնե­րու Ատեանը այս դա­տավա­րու­թեանը առնչու­թեամբ մե­ղադ­րեց Թուրքիան, Ար­դա­րու­թեան Նա­խարա­րու­թիւնը հար­կադրուեցաւ դա­տավա­րու­թիւնը կրկնե­լու։ Այս պա­հուն վրայ հա­սաւ կա­ռավա­րու­թեան եւ Կիւ­լէ­նի հա­մայնքի մի­ջեւ ծա­նօթ տա­րակար­ծութիւ­նը, որ հետզհե­տէ ստա­ցաւ բա­ցայայտ պա­տերազ­մի բնոյթ։ Այդ հանգրուանին Տին­քի դա­տավա­րու­թիւնը կռուախնձոր մը դար­ձաւ կող­մե­րուն մի­ջեւ։ Այսպէս իշ­խա­նամէտ ոս­տի­կան­ներ մե­ղադ­րանքներ տե­ղացու­ցած են կիւ­լէ­նամէտ­նե­րու գլխուն, փո­խադար­ձա­բար այս վեր­ջիններն ալ իշ­խանամէտներուն։ Տուեալ պայմաններու տակ միամտութիւն է արդար որոշումի մը ձեռքբերումը։

Kategoriler

ԱՌՕՐԵԱՅ