Իրավիճակը Թուրքիայի հարավ-արևելքում

Շըրնաքի կենտրոնում և Հաքյարի Յուքսեքովայում Թուրքիայի զինված ուժերն ու ոստիկանությունը գործողություններ են իրականացրել, որը «Մեհթեր» օրհներգով է սկսել (օրհներգ, որը Օսմանյան կայսրության բանակը պատերազմի մեկնարկից առաջ էր հնչեցնում)։ Իսկ Դիարբեքիրի Բաղլար գավառում գիշերը 03։00-ից պարետային ժամ է հայտարարվել։ Բախումների հետևանքով մեկ ոստիկան և երեք ՔՊՄ անդամ է զոհվել։

Շըրնաքում երեկ՝ ժամը 23։00-ից սկսած պարետային ժամ է հայտարարվել։ Ռազմական գործողությունները սկսել են «Մեհթերի օրհներգը» զրահապատ մեքենարենրից բարձրախոսներով հնչեցնելուց հետո։ 

Կրակոցներ և պայթյուններ են լսվել Շըրնաքի այն թաղամասերում, որտեղ բարիկադներ կան։

Նշված թաղամասերի ուղղությամբ տանկերով կրակ է բացվել։ Քաղաքի մի շարք հատվածներից կրակոցներ և պայթյուններ են լսվել։

Գործողությունները Հաքյարիի Յուքսեքովա գավառում նույնպես շարունակվում են։

Բախումներ Դիարբեքիրի Բաղլար գավառում


Դիարբեքիրի Բաղլար գավառում գիշերը 03։00-ից պարետային ժամ է հայտարարվել։ Բախումների հետևանքով մեկ ոստիկան և երեք ՔՊՄ (Քաղաքացիական պաշտպանության միություն) անդամ է զոհվել։

Դիարբեքիրի Բաղլար գավառի Քայնարթեփե թաղամասում ժամը 03։00-ից ի վեր պարետային ժամ է հայտարարված։ 

Երեկ գիշերվանից սկսած գավառում բախումներ են եղել: Բախումները մեկ ոստիկանի և երեք ՔՊՄ անդամի մահվան պատճառ են դարձել։