Հրանդ Տինք Հիմնարկի գրադարանը բացուեցաւ

Պոլ­սա­հայ իրո­ղու­թեան մէջ օրըս­տօ­րէ շատ կա­րիքը կը զգա­ցուի կեդ­րո­նական գրա­դարա­նի մը։ Տրուած ըլ­լա­լով որ Պատ­րիար­քա­րանի գրա­դարա­նը ան­գործու­նակ է եւ հե­տազօ­տող­ներ չեն կրնար այն տեղ գտնուած գի­տելի­քէն օգ­տուիլ։

Հրանդ Տինք Հիմ­նարկը Անա­րատ Յղու­թիւն շէն­քի մէջ նա­խորդ Ուրբաթ բա­ցու­մը կա­տարեց հայ­կա­կան հե­տազօ­տու­թիւննե­րու եւ Թուրքիոյ փոք­րա­մաս­նութիւննե­րու նիւ­թե­րով մաս­նա­գիտա­ցած գրա­դարա­նին։ Գրա­դարա­նին բա­ցու­մով Հրանդ Տինք Հիմ­նարկը կը նպա­տակադ­րէ հայ մշա­կոյ­թի եւ պատ­մութեան նիւ­թե­րով զբա­ղող ու­սումնա­սիրող­նե­րու, ու­սա­նող­նե­րու եւ հայ հա­սարա­կու­թեան ծա­ռայել։

Ան­հա­տական ար­խիւնե­րով եւ հա­ւաքա­ծոնե­րով ալ աւե­լի հարստա­նալիք գրա­դարա­նը ունի տարողութիւնը 20 հազար հա­տոր գիր­քերու ու կը պարունակէ պար­բե­րական­ներ, նաեւ քար­տէսներ, DVD-ներ եւ այլ նիւթեր։ Գիր­քե­րը դա­սաւո­րուած են Ամե­րիկեան Քոնկրէ­սի Գրա­դարա­նին կող­մէ մշա­կուած LCC դա­սաւոր­ման կա­նոնի դրու­թեամբ։

Գրա­դարա­նին մէջ ար­ձա­նագ­րուած աղ­բիւրնե­րուն կա­րելի է հե­տեւիլ www.hrantdink.org կայ­քէ­ջի ցան­կագրու­թեան մի­ջոցաւ։

Ցան­կա­ցող­ներ գրա­դարան այ­ցե­լելով կրնան ու­սումնա­սիրել իրենց հե­տաքրքրող գիր­քե­րը կամ նիւ­թե­րը։ Կրնան պատ­ճէ­նահա­նել։ Սա­կայն գիր­քը ժա­մանա­կաւոր ստա­նալու հա­մար հարկ է ան­դա­մագրուիլ, հար­ցա­թեր­թիկ մը լրաց­նել, անձնա­գիրի պատ­ճէ­նահա­նում, լու­սանկար մը եւ 100 Լի­րա նուիրա­տուու­թիւն։

Հիմ­նարկի շրջա­նակ­նե­րը կը հա­ղոր­դեն թէ տրա­մադիր են Թուրքիոյ մէջ փոք­րա­մաս­նութիւննե­րու եւ հայ­կա­կան հե­տազօ­տու­թիւննե­րու, պատ­մութեան մշա­կոյ­թի լե­զուի եւ գրա­կանու­թեան վե­րաբե­րեալ գիր­քե­րու եւ ար­խի­ւային փաս­տա­թուղթե­րու նուիրա­տուու­թիւննե­րը ըն­դունե­լու։ Յատ­կա­պէս ան­հա­տական ար­խիւնե­րու բո­վան­դա­կու­թիւնը յա­տուկ դա­սաւո­րու­մի են­թարկուելէ ետք կտա­կողին փա­փաքին հա­մաձայն պայ­մաննե­րով պի­տի տրա­մադ­րուի հա­սարա­կու­թեան։

Գրա­դարա­նը բա­ցի Հինգշաբ­թի եւ Կի­րակի օրե­րէ, պի­տի աշ­խա­տի 10։00-18։00 ժա­մերու մի­ջեւ։ Չո­րեք­շաբթի օրե­րու աշ­խա­տան­քը սահ­մա­նուած է 12։00-22։00-ի միջեւ։