Ոստիկանական հարձակում «Բելգե» հրատարակչատան վրա․ մոտ 2 հազար գիրք է առգրավվել

Թուրքիայի ոստիկանությունը լրագրող Ռագըփ Զարաքոլուի և նրա հանգուցյալ կնոջ՝ Այշենուր Զարաքօլուի կողմից հիմնադրված «Բելգե» հրատարակչատան վրա հարձակում են իրականացրել։ Հարձակման ընթացքում ոստիկանությունը 2 հազար 170 գիրք է առգրավել։

Թուրքիայի ոստիկանությունը հարձակվել է 40 տարի շարունակ Թուրքիայում գործող «Բելգե» հրատարակչատան վրա։ 

«Դիրենիշթեյիզ»-ի թղթակից Հայրի Թունջի փոխանցմամբ՝ Թուրքիայի ոստիկանությունը հարձակում է իրականացրել «Բելգե» հրատարակչատան վրա, որը 40 տարի է ընդդիմադիր գործունեություն է ծավալում, այդ տարիների ընթացքում ենթարկվել է մի շարք ոստիկանական հարձակումների և որի հրատարակած գրքերից որոշների առնչությամբ քրեական գործեր են հարուցվել։

Ոստիկանական աշխատակիցները հայտնել են, որ «Պետություն չունեցող քրդեր» և «Մահվանից դժվար որոշումներ» գրքերը հավաքելու հրաման ունեն, սակայն հավաքել են նաև 1980, 1990-ականներին հրատարակված տարբեր գրքեր։ Ոստիկանական աշխատակիցներն առգրավել են 2000-ից ավել գիրք և բերման են ենթարկել հրատարակչատան աշխատակից Մեհմեդ Ալի Վարըշին, ում ավելի ուշ ազատ են արձակել։