Երեւան-Պաղտատ կապերը կը զարգանան

ԱԼԻՆ ՕԶԻՆԵԱՆ

uygargultekin@agos.com.tr

Հայաստանի նախագահ Սերժ Սարգսեան Սեպ­տեմբեր 26-ին ըն­դունեց Իրա­քի Գիւ­ղատնտե­սու­թեան նա­խարար Ֆա­լահ Հա­սան Զէյ­տան Ալ-Լա­հիպին, որ հա­մանա­խագահն է Իրաք-Հա­յաս­տան միջ­կա­ռավա­րական յանձնա­ժողո­վին։

Սարգսեան-Ալ-Լա­հիպի հան­դիպման ժա­մանակ հիւր նա­խարա­րը նախ յղեց Իրա­քի նա­խագահ Ֆուաթ Մա­սու­մի եւ վար­չա­պետ Հայ­տար Ապա­տիի ող­ջոյննե­րը։ Ահա­բեկ­չութեան դէմ մղուած պայ­քա­րը եղաւ այս հան­դիպման կա­րեւոր նիւ­թե­րէն մին։ Սարգսեան յայտնեց, թէ Հա­յաս­տա­ն պի­տի շա­րու­նա­կէ զօ­րավիգ ըլ­լալ Իրա­քին եւ խոս­տա­ցաւ միաս­նա­կան պայ­քա­րին շա­րու­նա­կակա­նու­թիւնը։

Ալ-Լա­հիպի ընդգծեց, որ Իրաք կը փա­փաքի խո­րաց­նել Հա­յաս­տա­նի հետ յա­րաբե­րու­թիւննե­րը։ Ան յոյս յայտնեց, որ այս այ­ցե­լու­թեան ար­դիւնքին ձեռք բե­րուե­լիք հա­մաձայ­նութիւննե­րը զգա­լիօրէն պի­տի աւելցնեն եր­կու եր­կիրնե­րու մի­ջեւ առ­կայ առեւ­տուրի ծա­ւալը։

Հիւր նա­խարա­րը մէկ­տե­ղուե­ցաւ նաեւ Տնտե­սու­թեան զար­գացման նա­խարար Սու­րէն Գա­րայեանի հետ։ Հան­դիպման օրա­կարգն էր Հա­յաս­տան-Իրաք տնտե­սական հա­մագոր­ծակցու­թեան վե­րաբե­րեալ հար­ցե­րու քննար­կումը։ Զրու­ցա­կից­նե­րը խօ­սեցան երկկող­մա­նի ներդրումնե­րու զար­գացման եւ առեւ­տուրի խրա­խուսման նպա­տակով իրա­ւական դաշ­տի վրայ կա­տարուելիք աշ­խա­տանքնե­րու բա­րելաւ­ման մա­սին։ Անոնք անդրա­դար­ձան նաեւ եր­կու եր­կիրնե­րու մի­ջեւ զբօ­սաշրջու­թեան ոլոր­տէ ներս հա­մագոր­ծակցու­թեան զար­գացման նիւ­թին։ Ալ-Լա­հիպի յայտնեց, թէ Հա­յաս­տա­նի պատ­մա­կան ու բնա­կան հարստու­թիւննե­րը կրնան գրա­ւիչ ըլ­լալ Իրա­քի քա­ղաքա­ցինե­րուն հա­մար։

Kategoriler

ԱՌՕՐԵԱՅ