Տեմիրթաշ կը դատուի 399 օր ետք

Ժո­ղովուրդնե­րու ժո­ղովրդա­վարու­դեան կու­սակցու­թեան հա­մանա­խագահ Սե­լահատ­տին Տե­միր­թաշ ձեր­բա­կալու­թե­նէն 399 օր ետք, 7 Դեկ­տեմբե­րին առա­ջին ան­գամ կը ներ­կա­յանայ դա­տարան։ Այս առ­թիւ հա­մաշ­խարհա­յին համ­բա­ւի տէր խումբ մը փի­լիսո­փաներ եւ գրող­ներ, որոնց կար­գին է Նոամ Չոմսկի, Սլա­ւոյ Զի­զեկ, Նեն­սի Ֆէյ­զըր, Էլֆրի­տէ Ելի­նեկի նման անուննե­րու կող­քին Փապ­լօ Իկ­լե­սիաս, Ճե­րի Էտըմս, Քա­թիա Քի­փինկ, Յա­նիս Վա­րու­ֆա­քիսի նման քա­ղաքա­կան գոր­ծիչներ զօ­րակ­ցութեան ստո­րագ­րարշաւ մը կազ­մա­կեր­պած են։ Ստո­րագ­րուած գրու­թեան մէջ անոնք ընդվզում կը յայտնեն կու­սակցու­թեան են­թարկուած ճնշումնե­րուն, հա­մանա­խագահ­ներ Սե­լահատ­տին Տե­միր­թա­շի, Ֆի­կեն Եիւքսեք­տա­ղի եւ այլ երես­փո­խան­նե­րու բան­տարկու­թեան դէմ։ «Կա­տարուածը Թուրքիոյ ժո­ղովրդա­վարա­կան բազ­մա­զանու­թեան դէմ յար­ձա­կում մըն է։ Առանց ընդդի­մու­թեան ժո­ղովրդա­վարու­թիւն մը կա­րելի չըլ­լար։ Մենք կողք կող­քի ենք ժո­ղովրդա­վարու­թեան եւ ար­դա­րու­թեան հա­մար պայ­քա­րող­նե­րուն հետ։ Կը պա­հան­ջենք հա­մանա­խագահ­նե­րու եւ այլ երես­փո­խան­նե­րու իս­կոյն ազատ ար­ձա­կու­մը Թուրքիոյ բան­տե­րէն» ըսուած է ստո­րագ­րարշա­ւի գրու­թեան մէջ։

Միւս կող­մէ Ան­գա­րայի կու­սա­կալու­թիւնը 6-7 Դեկ­տեմբեր թուական­նե­րուն կա­յանա­լիք դա­տավա­րու­թեան զօ­րակ­ցե­լու իմաս­տով կա­տարուելիք բո­լոր ցոյ­ցե­րը ար­գի­լած է։ Այս մա­սին կու­սա­կալու­թեան հրա­պարա­կած շրջա­բերա­կանին մէջ կը պնդուի, թէ զօ­րակ­ցութեան հա­մար կազ­մա­կեր­պուելիք ցոյ­ցե­րը կրնան շա­հագոր­ծուիլ ահա­բեկ­չա­կան կազ­մա­կեր­պութիւննե­րու կող­մէ եւ կրնայ յար­ձա­կումներ կա­տարուիլ ցու­ցա­րար­նե­րու դէմ։ 

Kategoriler

ԱՌՕՐԵԱՅ