Թաքսիմ եւ Իսթիքլալ արգիլեալ տարածք

8Մարտ Հա­մաշ­խարհա­յին Կա­նանց Օրո­ւայ առ­թիւ աւան­դա­կան ցոյ­ցի պատ­րաստու­թիւններ տա­նող կա­նանց դի­մաց շրջա­պատո­ւեցաւ Թաք­սի­մի հրա­պարա­կը եւ Իս­թիքլալ փո­ղոցը։ այդ ար­գելքնե­րով հան­դերձ կի­ներ մեծ դի­մադ­րութիւն ցու­ցա­բերե­ցին տա­րած­քը շրջա­փակող ոս­տի­կան­նե­րուն դէմ եւ փոր­ձե­ցին ար­շա­ւել ար­գի­լեալ տա­րած­քը։

Ոս­տի­կանու­թեան եւ կի­ներու մի­ջեւ թէժ կռիւ­ներ տե­ղի ու­նե­ցան, որոնց հե­տեւան­քով աւե­լի քան 24 կի­ներ բեր­ման են­թարկո­ւեցան։ Անոնք յա­ջորդ օր ար­դէն ազատ ար­ձա­կուե­ցան։

Միւս կող­մէ ցոյ­ցե­րու ըն­թացքին ոս­տի­կանու­թիւնը կրկին ան­գամ օգ­տա­գոր­ծեց ար­ցունքա­բեր կա­զերը, որոնց հե­տեւան­քով շա­տեր ալ շնչա­հեղ­ձութեան մատ­նո­ւեցան։

Ոս­տի­կան­նե­րու եւ կա­նանց մի­ջեւ հրմշտու­քը հա­սաւ մին­չեւ Գա­րագիւ­ղի նա­ւամա­տոյ­ցը, ուր այստեղ կի­ներ յայ­տա­րարե­ցին օրո­ւայ իմաս­տը եւ ուխտե­ցին ան­զի­ջող մնալ կի­ներու իրա­ւունքնե­րու հա­մար մղո­ւած պայ­քա­րին մէջ եւ պաշտպա­նել բո­լոր նա­խորդ ձեռքբե­րումնե­րը։

Կի­ները ինչպէս կ՚ակնկա­լուէր իրենց վեր­տա­ռու­թիւննե­րով եւ վան­կարկումնե­րով պա­հան­ջա­տէր դար­ձան կի­ներու խլո­ւած իրա­ւունքներու նկատմամբ։

Kategoriler

ԱՌՕՐԵԱՅ