Էդվարդ Տանձիկյան

Քումքափըում նորից պատմական մի օր գրանցվեց։ Ամիսներ տևած քննարկումներն ավարտվել էին, խաղերն անարդյունք էին մնացել, վերջապես պատրիարքական տեղապահ էինք ընտրելու՝ առաջին քայլն անելով պատրիարքական ընտրությոնների հարցում․ ընտրություններ, որ տարիներ շարունակ չենք կարողանում իրականացնել։ Սակայն արի ու տես, որ բառիս ուղիղ իմաստով բռնացան «կամքին»։ Տեսնելով, որ Աթեշյանը պարտություն է կրում պատրիարքական տեղապահի ընտրություններում՝ պետությունը միջամտեց, կամ Աթեշյանը պետությանը օգնության կանչեց, երբ պարտություն կրեց ընտրություններում։ Մեկնաբանեք ինչպես կուզեք՝ նույն եզրահանգման եք հանգելու։

Եվս մեկ շաբաթ՝ լի կարևոր և Թուրքիայի պատմության մեջ հետք թողած դատավարություններով։ Հրանտ Դինքի սպանության գործի շրջանակներում շարունակվում է պաշտոնատար անձաց դատավարությունը։ Մալաթիայում գտնվող «Զիրվե» հրատարակչատան կոտորածի դեպքի գործով որոշում է կայացվել և ակնհայտ է, որ Մուսա Անթերի սպանության գործին կցված Ժանդարմերիայի հետախուզության և ահաբեկչության դեմ պայքարի JİTEM խմբավորման գործում գարու հատիկի չափ առաջընթաց անգամ չկա։