Հայաստան շուտով ռուսական հեղուկ կազ պիտի ներածէ Ատրպէյճանէն

Հայաստան շուտով ռուսական հեղուկ կազ պիտի ներածէ երկաթուղիով` Ատրպէյճանի տարածքով, կը յայտնեն Հայաստանի տնտեսութեան նախարարութենէն: Թէ Ատրպէյճանի տարածքով հեղուկ կազի առաջին խմբաքանակը ե՞րբ Հայաստան պիտի հասնի եւ յստակ ո՞ր ընկերութիւնները պիտի ներածեն, նախարարութիւնը չի յայտներ:

Վերջին օրերուն հեղուկ կազը կտրուկ սղած է: Ըստ կառավարութեան, Իրանէն այս պահուն վառելիք ներածել կարելի չէ, ռուսականի ներածումն ալ չի յաջողիր Վերին Լարսի ճամբուն փակման պատճառով: