Ցուցարարներ կը պահանջեն հայ բանտարկելներուն ազատումը

ԱՄՆ-ի փոխնախագահ Վենսի Հայաստան այցելութեան օրը՝ 9 Փետրուարին, նախագահական նստավայրին մօտ ցոյց կազմակերպուեցաւ՝ Պաքուի մէջ պահուող հայ գերիներուն ազատ արձակման պահանջով։

Մասնակիցները, մեծ մասամբ արցախցիներ, Վենսէն պահանջեցին որ Ատրպէյճան այցելութեան ընթացքին Ալիեւէն ապահովէ պատանդներուն ազատ արձակումը, երաշխաւորէ արցախահայութեան հայրենիք վերադառնալու իրաւունքը եւ ազատ արձակէ Հայաստանի քաղաքական բանտարկեալները։

Արցախի նախկին պետական նախարար Արտակ Բեգլարեան ըսաւ, որ Վենս հնարաւորութիւն ունի «մէկ լաւութիւն» մը ընելու հայ ժողովուրդին՝ կատարելով Թրամփի խոստումը եւ պահանջելով հայ պատանդներուն ազատ արձակումը Ալիեւի ձեռքէն։ Ան կոչ ըրաւ Պաքուի մէջ բարձրացնել 19 հայ պատանդներու անյապաղ ազատ արձակման, անհետ կորսուածներու ճակատագիրներու պարզաբանման եւ արցախահայութեան վերադարձի հարցերը։