ԱՐԵՒԵԼԱՀԱՅԵՐԷՆ

Դեկտեմբերի 10-ին Ստամբուլի Բեշիկթաշ թաղամասում գտնվող Vodafone Arena մարզադաշտի մոտ տեղի ունեցած պայթյունները 44 մարդու կյանք են խլել։ Հարձակման պատասխանատվությունը ստանձնել է TAK-ը՝ «Քուրդիստանի ազատության բազեներ» խմբավորումը։

Ժողովուրդների դեմոկրատական կուսակցության Ստամբուլի, Անկարայի, Ադանայի, Մանիսայի և Մերսինի գրասենյակների ղեկավարներների դեմ իրականացված գործողություններում 118 հոգի բերման է ենթարկվել։

Դիարբեքիրի Սուր քաղաքապետարանի շենքի վրա քառալեզու՝ թուրքերեն, քրդերեն, հայերեն և ասորերեն ցուցանակ է եղել, որը քաղաքապետարանում պետության կողմից նշանակված վերահսկիչի հրամանով փոփոխությունների է ենթարկվել։ Փոփոխություններից հետո ցուցանակի վրա բացակայում են հայերեն և ասորերեն գրությունները, փոխարենը՝ թուրքական դրոշ է ավելացվել։

Ժողովրդավարական շրջանների կուսակցության անդամ քաղաքապետերի փոխարեն թուրքական պետության կողմից վերահսկիչներ են նշանակվում, որի հետևանքով քաղաքների բազմալեզու մշակույթը վերանում է։ Քաղաքներում գործող բազմալեզու մանկապարտեզները, բազմալեզու թատերական ներկայացումներ բեմադրող թատրոնները փակվել են։ Մշակութային ժառանգության վերելքին ուղղված նախագծերի, այդ թվում Սարոյանի անվան գրադարան ստեղծելու նախագծի ապագան այլևս անհայտ է։

Պոլսո հայոց պատրիարքարանից դուրս բերված և չվերադարձված կտավի հարցին անդրադարձ կատարած հայաստանյան լրատվամիջները նշում էին, որ նշված գործով Պոսլի հայոց պատրիարքի փոխանորդ Արամ Աթեշյանը հարցաքննվել է որպես վկա։ Աթեշյանը հերքում է սա՝ նշելով, որ երկու տարի առաջ ոչ թե վկայություն է տվել, այլ բողոք է ներկայացրել։

Ադանայի Ալադաղ գավառում գտնվող մասնավոր ուսանողական հանրակացարաններից մեկում բռնկված հրդեհը 12 հոգու մահվան պատճառ է դարձել։ Հրդեհի հետևանքով 24 աշակերտներ վիրավորվել են։ Դեպքի առնչությամբ վեց հոգի ձերբակալվել է։ Հրդեհից փրկված աշակերտները դատարանում դեպքի մանրամասներն են ներկայացրել։

Դինքի սպանության գործով Ստամբուլի 14-րդ ծանր հանցագործությունների գործով դատարանում ընթացող դատական նիստի ընդմիջման ժամանակ հայտնի է դարձել, որ դատավորներից Բյունյամին Քարաքաշը բերման է ենթարկվել իր աշխատասենյակից։

Թուրքիայի Ժողովրդա-հանրապետական կուսակցությունը պատվիրակություն է ուղարկել Դիարբեքիր։ Պատմվիրակությունը Դիարբեքիրում տարբեր հանդիպումներ է անցկացրել։ Պատվիրակության կազմում Դիարբեքիր այցելած Սելինա Դողանն այցից իր տպավորություններն է ներկայացրել։

Հրանտ Դինքի սպանության գործով դատական նիստում Հետախուզության բաժնի աշխատակիցների լսումներն են ընթանում։ Թամեր Բյուլենթ Դեմիրելը և Ալի Փոյրազն ավարտել են իրենց ցուցմունքները։

Նախքան Հրանտ Դինքի սպանության գործով դատական նիստը սկսելը «Հրանտի ընկերները» Չաղլայան դատարանի առջև էին՝ արդարության պահանջով։ Նրանք այս անգամ արդարություն էին պահանջում Հրանտ Դինքի և Թահիր Էլչիի համար։