ԱՌՕՐԵԱՅ
Կրակը Ամիտա ինկաւ
Լուսահոգի մօրս խօսքն էր. «տուներնին կրակ ինկաւ»։ Այս օրերուն կրակը Տիյարպէքիր ինկած է։ Պատմական Ամիտա քաղաքը հրոճարակ դարձած է, որուն աւերը հասած է նաեւ Սուրբ Կիրակոս եկեղեցի։ Այն Սուրբ Կիրակոսը, որ վերանորոգուելէ ետք բոյնը դարձած էր ձուլման վտանգին ենթարկուած բազմաթիւ հայերու։ Ներկայ դաժան պատկերը տեսնելով կը փորձենք յետադարձ ակնարկ մը սեւեռել այս պատմական քաղաքի անցեալին։