Մայիս 1-եան հայկական ոգին

Նախորդ Կի­րակի ինչպէս աշ­խարհի բո­լոր եր­կիրնե­րէ ներս Թուրքիոյ քա­ղաք­նե­րու մէջ ալ նշուեցաւ Մա­յիս 1-ը Բա­նուոր­նե­րու Զօ­րակ­ցութեան Օր։ Թուրքիոյ մէջ տի­րող լա­րուած իրա­վիճա­կի բեր­մամբ Մա­յիս 1-եան տօ­նակա­տարու­թիւննե­րը զուրկ էին նա­խորդ տա­րինե­րու ոգե­ւորու­թե­նէն։ Սա­կայն յատ­կա­պէս ալ Տի­յար­պէ­քիրի մէջ հա­յեր ոգե­ւորու­թեամբ կը մաս­նակցէին շքեր­թին ձե­ւով մը շեշ­տե­լու հա­մար պա­տերազ­մի իրա­վիճա­կին մէջ ան­գամ իրենց դի­մադ­րութեան կո­րովը։ Անոնք այս առ­թիւ պատ­րաստած էին մամ­լոյ հա­ղոր­դագրու­թիւն մը, ուր կը յի­շէին տա­կաւին կայսրու­թեան տա­րինե­րէն հիմք դրած Մա­յիս 1-եան ոգին հայ աշ­խա­տու­նակ դա­սակար­գի մէջ։ Տի­յար­պէ­քիրի հա­յերը կ՚ակ­նարկէին 1908-ին Կա­րինի մէջ դաշ­նակցա­կան­նե­րու եւ հնչակ­նե­րու միաս­նա­բար տօ­նած Մա­յիս 1-ը։