6Մայիս երկուշաբթի օր «Ակօս»ի խմբագրատուն այցելեցին Օրթագիւղի Թարգմանչաց Վարժարանի Է. դասարանի աշակերտները՝ գլխաւորութեամբ ուսուցչուհի Թալին Չորթան Կարիփկիւլի։
«Ակօս»ի խմբագրապետ Եդուարդ Տանձիկեան հիւր աշակերտներուն հակիրճ բացատրութիւններ տուաւ թերթի հիմնադրութեան շրջանին եւ որդեգրած առաքելութեան մասին։ Նկարագրեց աշխատանքային օրուայ եռուզեռը եւ դիմագրաւած մարտահրաւէրները։
Հայերէն էջերու խմբագիր Բագրատ Էսդուգեան, լուսանկարիչ Պերճ Արապեան եւ պատասխանատու տնօրէն Իշխան Էրտինչ եւս բացատրութիւններ տուին իրենց տարած գործունէութեան մասին եւ պատասխանեցին աշակերտներու բազմաբնոյթ հարցումներուն։