10 Մայիս ուրբաթ երեկոյ ժամը 20.30-ին, Էսաեան Սանուց Միութեան մէջ կը նշուի արեւմտահայերէն ժամանակակից գրականութեան ամենացայտուն բանաստեղծ Զահրատի ծննդեան 100-ամեակը։
Միութիւնը այս առթիւ պատրաստած է գրական ու գեղարուեստական ծրագիր մը։ Այսպէս միութեան ատենապետուհի Մարիամ Տրամերեանի ժողովավարութեամբ Զահրատի գրականութեան շուրջ պիտի զրուցեն Սեւան Տէյիրմէնճեան, Յովհաննէս Շաշկալ, Տիգրան Ալթուն եւ Բագրատ Էսդուգեան։
Գեղարուեստական բաժնի մէջ ելոյթ պիտի ունենան Գարին Պոզքուրթ եւ Արթիւր Պաղտասարեան, ընկերակցութեամբ դաշնակահար Աննա Ուղուրլույանի։
