Հերթը հասած է Սասնայ պատմական վանքի վերանորոգման

Հայ երաժշտա­կան գան­ձա­րանի մէջ ան­հա­մար են Մա­րաթուկ Սա­րի ձօ­նուած եր­գե­րը։ Իր աշ­խարհագ­րա­կան դիր­քի հե­տեւան­քով Մա­րաթուկ Սա­րի գա­գաթը այդքան ալ դիւ­րին հա­սանե­լի չէ եղած բո­լոր ժա­մանակ­նե­րուն։

Վեր­ջերս շնոր­հիւ Ազիզ Տաղ­ճըի նա­խագա­հած միու­թեան ջան­քե­րուն, Մա­րաթուկ սա­րը թէ տե­ղական իշ­խա­նու­թիւննե­րու եւ թէ Մշա­կոյ­թի եւ Զբօ­սաշրջու­թեան նա­խարա­րու­թեան ու­շադրու­թեան ար­ժա­նացաւ։ Այս ծի­րէն ներս Պաթ­մա­նի մշա­կոյ­թի եւ զբօ­սաշրջու­թեան տնօ­րէնու­թիւնը տե­ղեկա­տուա­կան բնոյ­թով ժո­ղով մը կազ­մա­կեր­պեց Պոլ­սոյ մէջ։ Ժո­ղովին հրա­ւիրո­ւած էին Սա­սու­նի Հայ­րե­նակ­ցա­կան միու­թեան ատե­նապետ՝ Արամ Տե­միր, Միու­թեան ան­դամնե­րէն Պէս­սէ Քա­պաք եւ Սա­մի Ար­թան։

Այստեղ տնօ­րէն Մեհ­մէտ Իհ­սան Աս­լանլը բա­ցատ­րութիւններ տո­ւաւ ցարդ կա­տարո­ւած գոր­ծե­րու մա­սին։ Ան նշեց թէ Բա­ցի հա­յոց Պետ­րոս առա­քեալի վա­նական հա­մալի­րէն եւ Բարձրա­դիր Սուրբ Աս­տուածա­ծին Եկե­ղեցիէն, նո­րոգու­թիւն կը նա­խատե­սուի նաեւ Եզ­դի­ներու ուխտա­վայ­րե­րու եւ ասո­րինե­րու Մոր Քի­րիաքոս վան­քի հա­մար ալ։

Լու­սա­բանա­կան բնոյ­թով այս ժո­ղովին Հայ­ճա­րի անու­նով ներ­կայ էր ճար­տա­րագէտ Նա­զար Պի­նաթ­լը։

Ան ալ յայտնեց թէ Հայ­Ճար միու­թիւնը պատ­րաստ է վե­րանո­րոգ­ման աշ­խա­տու­թիւննե­րուն նպաս­տե­լու որ­պէս խորհրդա­տու։

Նման նո­րոգու­թիւննե­րու ըն­թացքին օրա­կար­գի եկող կա­րեւո­րագոյն նիւ­թե­րէն մէկն ալ նո­րոգու­թե­նէ ետք տո­ւեալ շի­նու­թեան շա­հագործման ձեւն է։

Ըստ երե­ւոյ­թի գոր­ծող կա­ռավա­րու­թիւնը հա­մար­ձա­կու­թիւն չու­նի եկե­ղեցի մը նո­րոգե­լով պաշ­տա­մունքի բա­նալու։ Մնաց որ տա­րածաշրջա­նի վրայ նման պա­հանջ մըն ալ չկայ։ Ան­ցեալին Աղ­թա­մար Կղզիի պատ­մա­կան եկե­ղեց­ւոյ նո­րոգու­թեան ժա­մանակ ալ այս նիւ­թը օրա­կար­գի եկած էր եւ այդ ժա­մանա­կուայ պատ­րիար­քա­կան փո­խանորդ Արամ Արք. Աթէ­շեան մեր­ժած էր եկե­ղեց­ւոյ սե­փակա­նու­թիւնը ստանձնել, յայտնե­լով որ այդ տա­րած­քին մէջ հա­ւատա­ցեալ­նե­րու հօտ մը գո­յու­թիւն չու­նի եւ Պատ­րիար­քա­րանը նոյ­նիսկ զուրկ է պահ­ակի մը ամ­սա­կանը վճա­րելու կա­րողու­թե­նէն։ Այդ ժա­մանակ լու­ծումը գտնո­ւած էր եկե­ղեցին թան­գա­րանի վե­րածե­լով, ուր հա­յեր տա­րին մէկ ան­գամ Սուրբ Խա­չի տա­ղաւա­րին Սուրբ Պա­տարա­գով պի­տի յի­շատա­կէին եկե­ղեց­ւոյ անո­ւան տօ­նակա­տարու­թիւնը։

Նման լու­ծում կ՚առա­ջար­կո­ւի նաեւ Մա­րաթուկ Լե­րան Բարձրա­դիր Սուրբ Աս­տո­ւածա­ծին եւ ստո­րոտի Պետ­րոս Առա­քեալի վան­քին հա­մար։

Ան­շուշտ որ այս բո­լորը ժա­մանա­կի ըն­թացքին եւս կ՚ու­նե­նան տար­բեր ըն­թացքներ, բայց ինչ որ ալ ըլ­լայ ող­ջունե­լի զար­գա­ցում մըն է եր­կար տա­րիներ ան­տէ­րու­թեան մատ­նո­ւած այս սրբա­վայ­րի նո­րոգումն ու ամ­րացման ջանքերը։