Սրբապղծութիւն Մարտինի մէջ

Մար­տի­նի Մոր Հուրմիւզ Քաղ­դէական Եկե­ղեց­ւոյ մէջ նկա­րահա­նուած տե­սանիւ­թը կը պար­զէ թէ ան­ծա­նօթ մը հա­կաք­րիստո­նէական նա­խատինքներ կ՚ար­տա­սանէ եւ կը թքէ:խա­չին վրայ։

«Սապ­րօ» թեր­թի տե­ղեկու­թեան հա­մաձայն, 430 թո­ւակա­նին կա­ռու­ցո­ւած Մոր Հուրմիւզ Քա­ղդէա­կան Եկե­ղեց­ւոյ մէջ այդ անար­գանքը ընո­ղ ան­ձը արա­բախօս մըն է, որ փոր­ձած է նաեւ վնա­սել եկե­ղեց­ւոյ իրե­րը։ Ան փոր­ձած է նաեւ Սուրբ Կոյս Մա­րիամի ար­ձա­նը ջար­դել։

Պա­տահա­ծի մա­սին թեր­թին տե­ղեկու­թիւն տո­ւող Քաղ­դէական Հիմ­նադրա­մի ներ­կա­յացու­ցի­չը յայտնած է թէ եկե­ղեցին բաց է այ­ցե­լու­նե­րու դի­մաց։ «Օրո­ւայ ըն­թացքին ու­ղե­ւոր­ներ կ՚այ­ցե­լեն եկե­ղեցին։ Ներ­սը յա­տուկ:անվտան­գութեան ծա­ռայու­թիւն մը չու­նինք։ Ար­դա­րեւ չենք գի­տեր նաեւ թէ երբ պա­տահած է այս դէպ­քը։ Կը կար­ծենք թէ այս սրբապղծու­թեան հե­ղինա­կը Թուրքիոյ քա­ղաքա­ցի մը չէ, այլ օտա­րազ­գի մը։Պի­տի դի­մենք ոս­տի­կանու­թեան եւ պի­տի յու­սանք որ յայտնա­բերո­ւի ու ար­ժա­նի կեր­պով պատ­ժո­ւի իր արար­քին հա­մար» ըսած է եկե­ղեց­ւոյ հիմ­նարկի ներ­կա­յացուցիչը։