Անգարայի եւ Պոլսոյ մէջ հանդիպումներէն ետք, Պապին կայարանը Պուրսաի Իզնիգ թաղամասն էր։ Այցելութեան նպատակը, Քրիստոնէութեան պատմութեան համար քննական կարեւորութիւն ունեցող Նիկիոյ առաջին տիեզերական ժողովին 1700րդ տարելիցը տօնելն էր։
Կաթողիկէ Եկեղեցւոյ 267րդ Պապը Լեւոն ԺԴ. , 2025 Նոյեմբեր 27 թուականին Թուրքիոյ իր առաջին պաշտօնական ճամբորդութիւնը կատարեց։ Անգարայի եւ Պոլսոյ մէջ հանդիպումներէն ետք, Պապին կայարանը Պուրսաի Իզնիգ թաղամասն էր։ Այցելութեան նպատակը, Քրիստոնէութեան պատմութեան համար քննական կարեւորութիւն ունեցող Նիկիոյ առաջին տիեզերական ժողովին 1700րդ տարելիցը տօնելն էր։ Այս պատմական հանդիպումին Պապ Լեւոն ԺԴ-ըն դիմաւորեց, Կոստանդնուպոլսոյ Յոյն Տիեզերական Պատրիարք Պարթոլոմէոսը, Անտիոքի եւ Արեւելեան Ուղղափառ Ասորիներու Պատրիարք Մօր Իղնադիուսը, Թուրքիոյ Հայոց Պատրիարք Սահակ Բ․ Մաշալեանը եւ բազմադիմի հոգեւորականներ։
Պատմական Սուրբ Նէոփիոս Բազիլիկային մօտ կազմուած բեմին վրայ մէկտեղուող հոգեւոր առաջնորդները, շարականներու ընկերակցութեամբ ընդհանուր աղօթք մը ըրաւ։ Պապը իր խօսքին մէջ Նիկիոյ առաջին տիեզերական ժողովին հիմքը կազմող Յիսուս Քրիստոսի աստուածային բնութեան հաւատքը, բոլոր Քրիստոնեաները խորապէս միացնող ուժեղ կապ մը ըլլալը ընդգծեց։ Այսպէս ալ, Քրիստոնեաներու միջեւ լման միութիւնը, բոլոր մարդկութեան միջեւ եղբայրութեան եւ խաղաղութեան փնտռտուքին հետ միասին առաջ երթալու անհրաժեշտութիւնը նշելով, կրօնքը իբր պատերազմը, բռնութիւնը կամ ծայրայեղութիւն արդարացնելու համար գործածուիլը յստակ լեզուով մերժեց։ Պապը, աշխարհին համաձայնութեան, միութեան եւ խաղաղութեան կոչը ըրաւ։
Մօտաւորապէս 40 վայրկեան տեւող արարողութեան ընդացուին պատրիարքները եւ հոգեւորականները Իտալերէն, Հայերէն, Ասորերէն եւ Արաբերէն լեզուներով աղօթքներ ըրին։ Պատմական Սուրբ Նէոփիոս Բազիլիկաի աւերակները այցելելէն ետքը Պապը, Պոլիս վերադարձաւ։ Պապին Թուրքիոյ ծրագիրը, Շաբաթ օրը Պոլսոյ մէջ «Վոլքսվակէն» Մարզադաշտի մէջ հանրային արարողութեամբ պիտի շարունակէ։ Նիկիոյ մէջ տեղի ունեցած այս պատմական հանդիպումը, 1700 տարի յետոյ Քրիստոնեայ աշխարհին միութեան եւ խաղաղութեան պատգամ մը փոխանցեց։
