Կը վերակառուցուի Արշիլ Կորքիի աղբիւրը

Ար­տա­մէտի քա­ղաքա­պետու­թիւնը ձեռ­նարկած է անո­ւանի հայ գե­ղանկա­րիչ Ար­շիլ Կոր­քիի ձօ­նուած աղ­բիւրի շի­նու­թեան։

Պատ­մա­կան տուեալնե­րու եւ տե­ղացի­ներու վկա­յու­թիւննե­րու հա­մաձայն Ար­շիլ Կոր­քիի ծննդա­վայր Խոր­գոմ գիւ­ղի մէջ ան­ցեալին գո­յու­թիւն ու­նէր հա­յոց ձեռ­քով կեր­տո­ւած աղ­բիւր մը, որ աւե­լի վերջ ան­հե­տացած է։ Ար­շիլ Կոր­քիի ծնած տան կող­քին գտնո­ւած աղ­բիւրը ան­հե­տացած է թէեւ, բայց ջու­րի ակը չէ ցամ­քած։

Այժմ Ար­տա­մէտի քա­ղաքա­պետա­րանը կը նա­խատե­սէ չորս բա­ժին­նե­րով աղ­բիւր մը, որուն վրայ հա­յերէն, քրտե­րէն, թրքե­րէն եւ անգլե­րէն լե­զու­նե­րով պի­տի ներ­կա­յացո­ւի Կոր­քիի կեն­սագրու­թիւնը։

Աւա­զանի անու­նով Ոս­տա­նիկ Մա­նուկ Ատո­յեան ծնած է 15 Ապ­րիլ 1904 թո­ւին Վա­նի Խոր­գոմ գիւ­ղը։ Ինք հա­զիւ 6 տա­րեկան էր, երբ հայ­րը աշ­խա­տանք ճա­րելու հա­մար Ամե­րիկա գնաց։ 1915-ին, մօր եւ քրոջ հետ կ՚ապաս­տա­նի Հա­յաս­տան։ Հա­զիւ 15 տա­րեկան էր, երբ մայ­րը սո­վամահ եղաւ Էջ­միած­նի պա­րիսպնե­րուն տակ։ Ինը ամիս տե­ւող դա­ժան ճամ­բորդու­թե­նէ ետք Ոս­տա­նիկ Մա­նուկ Ատո­յեան, քրոջ Հար­թուշի հետ կը հաս­նի Նիւ Եորք, Էլիս կղզի։ Խո­րապէս տպա­ւոր­ւած է վի­պագիր Մաք­սիմ Կոր­քիի գրա­կանու­թե­նէն։ Նոր աշ­խարհի մէջ զինք կը ներ­կա­յաց­նէ իբ­րեւ Մաք­սիմ Կոր­քիի ազ­գա­կանը եւ գե­ղարո­ւես­տա­կան ստեղ­ծա­գոր­ծութիւննե­րը կը ստո­րագ­րէ «Ար­շիլ Կոր­քի» ծած­կա­նու­նով։

1922-ին կ՚աշա­կեր­տէ Պաս­թը­նի «New School of Design» արո­ւես­տի դպրո­ցը, ուր աւե­լի ետք ինք ալ պի­տի ու­սուցչա­գոր­ծէ։

Ար­շիլ Կոր­քիի կեան­քի ամե­նաբե­ղուն տա­րինե­րը ան­ցան աղէտ­նե­րով։ Հրդե­հի պատ­ճա­ռաւ կորսնցուց գոր­ծե­րուն կա­րեւոր մէկ մա­սը։ Հի­ւան­դա­ցաւ քաղցկե­ղէ։ Եր­թե­ւեկի ար­կա­ծի մը հե­տեւան­քով վնա­սուե­ցաւ աջ ձեռ­քը։ Բո­լոր այս ձա­խողու­թիւննե­րուն պատ­ճա­ռած հո­գեկան մեծ վե­րիվայ­րումնե­րէ ետք անձնասպան եղաւ 1948-ին։