Բանաստեղծ Տօքթ. Իգնա Սարըասլան մահացաւ
Պոլսահայ նորագոյն գրականութեան ականաւոր ներկայացուցիչներէն, բանաստեղծ եւ վիրաբոյժ Տօքթ. Իգնա Սարըասլանը 14 փետրուար, այսօր մահացած է: Ան 81 տարեկան էր:
Սկզբնական կրթութիւնը ստացած է Գատըգիւղի Արամեան-Ունճեան եւ ֆրանսական Ս. Ժոզէֆ վարժարաններուն մէջ։
Բարձրագոյն կրթութեան հետեւած է Պոլսոյ համալսարանի Ճէրրահփաշայի բժշկական ֆաքիւլթէի մէջ՝ վկայուելով որպէս վիրաբոյժ։
Գրականութիւն մուտք գործած է վաղ հասակին՝ 1974-ին լոյսին բերելով իր առաջին քերթողագիրքը՝ «Լօ» վերնագրով։ Սարըասլանի գրական արտադրանքը արժանացած է բազմաթիւ մրցանակներու, հրատարակուած է ազգային ու միջազգային ժողովածոներու մէջ, թարգմանուելով բազմաթիւ լեզուներու։ Անդամ է Թուրքիոյ եւ Հայաստանի գրողներու միութիւններուն, ինչպէս նաեւ միջազգային «ՓԷՆ» միութեան։ Կը բնակի ու կը ստեղծագործէ իր ծննդավայր քաղաքին՝ Ստանպուլի մէջ։
«Ակօս» ըլլալով ցաւակցութիւն կը յայտնենք իր եւ «Մարմարա» օրաթերթի ընտանիքին։
Յուղարկաւորութեան մասին մանրամասնութիւնները շուտով պիտի բաժնենք մեր ընթերցողներու հետ։
