Փաշինեան հիմա կրնայ նոր ափեր նաւարկել

Օգոստոս 2-ին, գոր­ծող վար­չա­պետ Նի­կոլ Փա­շինեան ստո­րագ­րեց նա­խորդ կա­ռավա­րու­թեան հրա­ժարա­կանը եւ զայն ու­ղարկեց հան­րա­պետու­թեան նա­խագա­հին: Նա­խագահ Վա­հագն Խա­չատու­րեան ըն­դունեց նա­խորդ կա­ռավա­րու­թեան հրա­ժարա­կանը, որ­մէ ետք «Քա­ղաքա­ցիական պայ­մա­նագիր» կու­սակցու­թիւնը նա­խագա­հին դար­ձեալ ներ­կա­յացուց Նի­կոլ Փա­շինեանի թեկ­նա­ծու­թիւնը՝ վար­չա­պետի պաշ­տօ­նին հա­մար եւ աւե­լի ուշ Փա­շինեան վե­րան­շա­նակո­ւեցաւ վար­չա­պետ:

Օգոս­տոս 3-ին, 9-րդ գու­մարման Ազ­գա­յին ժո­ղովի նա­խագահ ընտրո­ւեցաւ «Քա­ղաքա­ցիական պայ­մա­նագիր»էն Ռու­բէն Ռու­բի­նեանը՝ 63 թեր, 28 դէմ ձայ­նե­րու յա­րաբե­րակ­ցութեամբ: Այս պաշ­տօ­նին հա­մար միայն անոր անու­նը առա­ջադ­րո­ւած էր։

Ազ­գա­յին ժո­ղովի ընդդի­մադիր «Հա­յաս­տան» խմբակ­ցութեան ղե­կավար Ան­նա Գրի­գորեան յայ­տա­րարած էր, որ «Հա­յաս­տան» խմբակ­ցութիւ­նը պի­տի չմաս­նակցի Ազ­գա­յին ժո­ղովի նա­խագա­հի ընտրու­թեան փակ քո­ւէար­կութեան, իսկ «Ու­ժեղ Հա­յաս­տան»էն Նա­րեկ Կա­րապե­տեան յայտնած էր, որ դէմ պի­տի քո­ւէար­կէ Ռու­բէն Ռու­բի­նեանի թեկ­նա­ծու­թեան:

«Քա­ղաքա­ցիական պայ­մա­նագի­րը» միաձայ­նութեամբ թեր քո­ւէար­կեց Ռու­բի­նեանի թեկ­նա­ծու­թեան:

Նա­խագահ Խա­չատու­րեանի հրա­մանա­գիր­նե­րով, կա­ռավա­րու­թեան կազ­մին մէջ կա­տարո­ւեցան վե­րան­շա­նակումներ. Արա­րատ Միր­զո­յեան վե­րան­շա­նակո­ւեցաւ Հա­յաս­տա­նի ար­տա­քին գոր­ծոց նա­խարար, Տիգ­րան Խա­չատ­րեան ու Մհեր Գրի­գորեան՝ փոխ­վարչա­պետ­ներ, Սու­րէն Պա­պիկեան՝ պաշտպա­նու­թեան նա­խարար, Ար­փի­նէ Սարգսեան՝ ներ­քին գոր­ծոց նա­խարար, Ժան­նա Անդրէասեան՝ կրթու­թեան, գի­տու­թեան, մշա­կոյ­թի եւ մարմնակրթու­թեան նա­խարար, Սրբու­հի Գա­լեան՝ ար­դա­րադա­տու­թեան նա­խարար, Վա­հէ Յով­հաննի­սեան՝ ելեւ­մուտքի նա­խարար, Գէորգ Պա­պոյեան՝ տնտե­սու­թեան նա­խարար, Դա­ւիթ Խու­դա­թեան՝ տա­րած­քա­յին կա­ռավար­ման եւ են­թա­կառու­ցո­ւածքնե­րու նա­խարար, Համ­բարձում Մա­թեւո­սեան՝ շրջա­կայ մի­ջավայ­րի նա­խարար, Անա­հիտ Աւա­նէսեան՝ առող­ջա­պահու­թեան նա­խարար, Ար­սէն Թո­րոսեան՝ աշ­խա­տան­քի եւ ըն­կե­րային հար­ցե­րու։ Բարձր ար­հեստա­գիտու­թեան ար­դիւնա­բերու­թեան նա­խարար նշա­նակո­ւեցաւ Դա­ւիթ Թա­դեւո­սեան: Լի­լիթ Մա­կունց նշա­նակո­ւեցաւ վար­չա­պետի աշ­խա­տակազ­մի ղե­կավար։

Փո­թոր­կա­լից շրջան­ներ յաղ­թա­հարե­լէ ետք վար­չա­պետ Նի­կոլ Փա­շինեանին գլխա­ւորած կա­ռավա­րական կազ­մէն պի­տի ակնկա­լուի Հա­յաս­տան երկրի բար­գա­ւաճու­մը երաշ­խա­ւորող նոր ռազ­մա­վարու­թիւն։ Սա մի գու­ցէ աւե­լի քան երեք տաս­նա­մեակ­նե­րու ու­շա­ցու­մէն ետք երկրի զար­գացման հա­մար նոր ու­ղի ճշդե­լու լա­ւագոյն առիթն է։ Յու­սանք թէ այդ առի­թի ճշգրիտ օգ­տա­գործմամբ կա­րելի կ՚՚ըլ­լայ լուրջ ոս­տումներ ար­ձա­նագ­րել։ Բան մը՝ որուն կա­րելիու­թեան նե­րու­ժը հա­մոզո­ւած ենք թէ առ­կայ է հայ ան­հա­տի կա­ռու­ցո­ղական բնազ­դին մէջ։