Ս. Ծննդեան տօնակատարութիւններ Իսկենտէրունի, Վաքըֆգիւղի եւ Իզմիրի մէջ

Ս. Ծննդեան եւ Աստուածայայտնութեան տաղաւարը նշուեցաւ գաւառներու մեր եկեղեցիներուն մէջ:

ԻՍԿԵՆՏԷՐՈՒՆ

Ճրագալոյցին՝ 5 Յունուար 2026, Երկուշաբթի երեկոյեան, Իսկենտէրունի Ս. Քառասուն Մանկանցեկեղեցւոյ մէջ նշուեցաւ Անտիոքի Ս. Եկեղեցեաց Հոգեւոր Հովիւ եւ Գաւառի տեսուչ Արժ. Տ. ԱւետիսՔհնյ. Թապաշեանի ձեռամբ մատուցուած Ս. Պատարագով։

Արարողութեան մասնակցեցան տեղւոյն Լատին եկեղեցիէն Հ. Գարմին եւ Հ. Խուանվարդապետները։

Ի ժամ Ս. Պատարագի, Արժ. Տ. Աւետիս Քհնյ. խրատական խօսեցաւ եւ ըսաւ, որ մեր մեծագոյնհարցերէն է պատճառաբանութիւններ ստեղծելը: Տէր Աստուած մարդկութեան հանդէպ ունեցածանսահման սէրը ցոյց տուաւ իր Միածին Որդին աշխարհ ղրկելով: Տէր Յիսուս Քրիստոս մարմնացաւ«կորսուած ոչխար»ը գտնելու համար եւ մեզ նման ապրեցաւ, որպէսզի ցոյց տայ ու սորվեցնէ թէինչպէս առանց պատճառաբանութեանց ապաւինելու կարելի է ապրիլ: Իր մասին մեծագոյնվկայութիւնը եկաւ ուղղակի Աստուծմէ՝ մկրտութեան պահուն:

Ս. Պատարագի աւարտին ի նշան Տէր Յիսուս Քրիստոսի մկրտութեան, կատարուեցաւ ջրօրհնէք։

Եկեղեցական արարողութեան աւարտին, պարտէզին մէջ մոմերու լոյսին տակ կատարուեցաւնախատօնակ եւ հուսկ՝ սարքուեցաւ տօնական ընդունելութիւն։ Մասնակցեցան հիւրվարդապետներ, ինչպէս նաեւ տեղւոյն Օրթոտոքս Եկեղեցւոյ Ծխական Խորհուրդի ատենապետՃան Թէյմուր, Տ. Նիքոլա Փափազօղլու Քհնյ.:

Տօնախմբութիւնը վերջ գտաւ աւանդական Կաղանդ Պապուկի այցելութեամբ ու նուէրներուբաշխումով։

ՎԱՔԸՖԳԻՒՂ

Իսկ յաջորդ առաւօտ, 6 Յունուար 2026, Երեքշաբթի, Ս. Ծննդեան եւ Աստուածայայտնութեանտաղաւարը նշուեցաւ Մուսա Լերան Վաքըֆգիւղի Ս. Աստուածածին եկեղեցւոյ մէջ՝ Արժ. Տ. ԱւետիսՔհնյ. Թապաշեանի գլխաւորութեամբ։

Արարողութեան մասնակցեցան Անտիոքի Լատին եկեղեցիէն Հ. Ֆրանսուա եւ Հ. Ժանվարդապետները։

Ս. Պատարագի աւարտին, Ջրօրհնէքի կնքահայրութեան պաշտօնը կատարեց Միհրան Քըսատուր։

Ապա, եկեղեցւոյ սրահին մէջ կատարուեցաւ տնօրհնէք, ուր խաղաղութեան եւ աստուածայինօրհնութեան մաղթանքներ եղաւ:

Ներկայ էին Սամանտաղի Քաղաքապետ Էմրահ Քարաչայ եւ ընկերակիցները, Սամանտաղիոստիկան զինեալ ոյժերու հրամանատար հազարապետ Հարուն Պուլութ:

Ապա սարքուեցաւ սիրոյ սեղան։

ԻԶՄԻՐ

Նոյն առթիւ, Իզմիրի հոգեւոր հովիւ Արժ. Տ. Արսէն Քհնյ. Էքինճեան 6 Յունուար 2026, Երեքշաբթիառաւօտ, Նոթր Տամ տը Լուրտ Կաթոլիկ Եկեղեցւոյ մէջ հայածէս Սուրբ Պատարագ մատոյց։

Արարողութեան մասնակցեցաւ Իզմիրի Լատին Առաջնորդ Մոնս. Մարթին Քմեթէք Եպս. եւՕրթոտոքս Եկեղեցիէն Հ. Իրենէոս Վրդ.։

Նախքան Տէրունական Աղօթք, Տէր Հայրը քարոզեց եւ ըսաւ. «Տէր Յիսուս Քրիստոսի ծնունդըմարդկութեան համար յոյսով եւ սիրով լեցուն սկիզբ մըն է։ Քրիստոսի ծնունդը Աստուծոյմարդկութեան ուղարկած ամենամեծ նուէրն է։ Այս սուրբ դէպքը խաւարի մէջ շողացող լոյս մըն է, ցուրտին մէջ վառած կրակ մը։ Յիսուսի ծնունդը մեզի կը յիշեցնէ սիրոյ, գթութեան եւ ներումիկարեւորութիւնը։ «Աստուծոյ Որդին» մեզի եկաւ եւ մարդկութեան փրկութիւնը աւետեց։ Այս օրը մեզիկը յիշեցնէ Յիսուսի ուսուցումը եւ կը հրաւիրէ հետեւիլ անոր ճամբուն»:

Յաւարտ Ս. Պատարագի, սիրոյ սեղան սարքուեցաւ տեղւոյն մերազն ժողովուրդի կողմէ։