Սուրբ Աստուածածնի եւ Խաղողօրհնէքի տօնը Թուրքիոյ եկեղեցիներուն մէջ

Ու­րա­խու­թիւն է տես­նել թէ վեր­ջերս գա­ւառի եկե­ղեցի­ներու շար­քին աւել­ցած է նաեւ Զմիւռնիան իր սա­կաւա­թիւ հա­մայնքով։ Բա­ցի եկե­ղեցա­կան արա­րողու­թիւննե­րէ, տա­ղաւա­րը տօ­նական մթնո­լոր­տով նշո­ւեցաւ Վա­քըֆ­գիւղի եւ Պո­յաճը­գիւ­ղի եկե­ղեցի­ներուն մէջ։ Ինչպէս նա­խորդ տա­րիներ, այս տա­րի ալ Պատ­րիարք Սրբա­զանը նա­խագա­հեց Վա­քըֆ­գիւղի Սուրբ Պա­տարա­գը եւ տօ­նակա­տարու­թիւնը, մեծ ու­րա­խու­թիւն պար­գե­ւելով գիւ­ղի բնակ­չութեան։

Պո­յաճը­գիւղ վեր­ջին տա­րինե­րուն կ՚ըն­դօ­րինակէ Վա­քըֆ­գիւղի սո­վորու­թիւնը եւ Ս. Պա­տարա­գի աւար­տին ուխտա­ւոր­նե­րուն կը մա­տու­ցէ հա­րիսա։ Ար­դա­րեւ Պա­տարա­գիչ Հայր Զա­տիկ Վար­դա­պետ Պա­պիկեան Պա­տարա­գի աւար­տին օրհնեց աղը, խա­ղողը եւ հա­րիսան ու ապա Սա­յաթ Նո­վա Երգչա­խումբի ան­դամներ եւ թա­ղական խոր­հուրդը հա­րիսա մա­տու­ցե­ցին բո­լոր ներ­կա­ներուն։

Ու­շագրաւ էր շա­տերուն բեր­նէն հնչող «Ամէն տա­րա սաղ ու բա­րու» (Ամէն տա­րի ողջ, առողջ) բա­րեմաղ­թանքը։

Իս­կենտէ­րու­նի եկե­ղեց­ւոյ մէջ
Ս. Պա­տարագ

Ս. Աս­տո­ւածած­նի Վե­րափոխ­ման տօ­նի առ­թիւ աւան­դա­կան ուխտագ­նա­ցու­թեան ճամ­բուն, Ն.Ա.Տ. Սա­հակ Բ. Պատ­րիարք Հայ­րը 15 Օգոս­տոս 2026, Շա­բաթ առա­ւօտ Իս­կենտէ­րու­նի Ս. Քա­ռասուն Ման­կունք Եկե­ղեց­ւոյ մէջ Ս. Պա­տարա­գին նա­խագա­հեց:

Ս. Պա­տարա­գը մա­տոյց Հա­թայի եկե­ղեցեաց հո­գեւոր հո­վիւ եւ գա­ւառի տե­սուչ Արժ. Տ. Աւե­տիս Քհնյ. Թա­պաշեան: Ս. Սե­ղանին սպա­սար­կե­ցին Առաք. Քոյր Հռիփ­սի­մէ Թէր­զեան եւ եկե­ղեց­ւոյ դպիր­նե­րը: Եր­գե­ցողու­թեանց առաջ­նորդեց Բրկ. Ղա­զար Կսրկ. Սա­պունճու: Ներ­կայ էին Մե­ծի Տանն Կի­լիկիոյ Կա­թողի­կոսու­թեան միաբան­նե­րէն Հոգշ. Տ. Մով­սէս Աբղյ. Եասուլքա­նեան, Արժ. Տ. Թէոդիկ Քհնյ. Չե­թին­քա­յա, ինչպէս նաեւ Անա­տոլո­ւի Պա­պական Փո­խանոր­դի ներ­կա­յացու­ցիչ Հ. Գար­մի­նա Վրդ. Տո­նիչի, Եու­սուֆ Թա­պաշի ատե­նապե­տած Իս­կենտէ­րու­նի Ծխա­կան Խոր­հուրդի ան­դամնե­րը։

Տէ­րու­նա­կան Աղօթ­քէն առաջ Նո­րին Ամե­նապա­տուու­թիւնը քա­րոզեց «Ով որ կը խոս­տո­վանի իմ անունս մար­դոց առ­ջեւ, ես ալ պի­տի խոս­տո­վանիմ զայն իմ Հօրս եւ հրեշ­տակնե­րուն առ­ջեւ» բնա­բանով եւ նախ խօ­սեցաւ վկա­յու­թեան գա­ղափա­րին մա­սին, յատ­կա­պէս Ս. Քա­ռասուն Մա­նուկնե­րու վկա­յու­թեան մա­սին։ Մեր Հո­գեւոր Պե­տը ապա ծան­րա­ցաւ Իս­կենտէ­րու­նի եկե­ղեց­ւոյ վրայ, որ երկրա­շար­ժէ վնաս կրած էր եւ այս Ս. Պա­տարա­գով պաշ­տա­մունքը կը կա­սէր եւ կը սկսէր նո­րոգու­թիւնը։ Մե­ծածախս աշ­խա­տան­քին հա­մար եկե­ղեցին կը կա­րօտէր բո­լորի օգ­նութեան։ Նո­րին Ամե­նապա­տուու­թիւնը ընդգծեց այս աշ­խարհա­մասի մէջ մնա­ցած եր­կու եկե­ղեցի­ներէն մէ­կին՝ Իս­կենտէ­րու­նի եկե­ղեց­ւոյ կա­րեւո­րու­թիւնը, որ մեր այստեղ գո­յու­թեան վկան է։Այս եկե­ղեցին պէտք է նո­րոգո­ւի, որ­պէսզի շա­րու­նա­կէ իր վկա­յու­թիւնը տալ։

Յա­ւարտ Ս. Պա­տարա­գի յա­տուկ կարգ կա­տարո­ւեցաւ Իս­կենտէ­րու­նի հան­գուցեալ հո­գեւոր սպա­սաւոր­նե­րու՝ հո­վիւ­նե­րու հոգ­ւոցն ի հան­գիստ։

Հա­թայի աւան­դա­կան
ուխտագ­նա­ցու­թիւնը

Ն.Ա.Տ. Սա­հակ Բ. Պատ­րիարք Հայ­րը 16 Օգոս­տոս 2026, Կի­րակի, Ս. Աս­տուածած­նի Վե­րափոխ­ման տա­ղաւա­րի առ­թիւ, Վա­քըֆ­գիւղի Ս. Աս­տո­ւածա­ծին Եկե­ղեց­ւոյ մէջ հան­դի­սու­թեանց նա­խագա­հեց եւ քա­րոզեց.

Պա­տարա­գիչն էր Հա­թայի եւ գա­ւառի հա­մայնքնե­րու հո­գեւոր տե­սուչ Արժ. Տ. Աւե­տիս Քհնյ. Թա­պաշեան։ Ս. Սե­ղանին սպա­սար­կե­ցին Առաք. Քոյր Հռիփ­սի­մէ Թէր­զեան, Բրկ. Եու­սուֆ Ուր. Դպ. Թա­պաշ, Բրկ. Առէն Ուր. Դպ. Քու­շեան եւ Բրկ. Մի­նաս Դպ. Թա­պաշեան: Եր­գե­ցողու­թիւննե­րը կա­տարո­ւեցան առաջ­նորդու­թեամբ Բրկ. Ղա­զար Կսրկ. Սա­պունճուի։ Ներ­կայ էին Հոգշ. Տ. Մով­սէս Աբղյ. Եասուլքա­նեան եւ Արժ. Տ. Թէոդիկ Քհնյ. Չե­թին­քա­յա, ինչպէս նաեւ Սա­ման­տա­ղի Քա­ղաքա­պետ Էմ­րահ Քա­րաչայ, Իս­լա­հիյէի Քա­ղաքա­պետ Քե­մալ Ու­րալ, քոյր եկե­ղեցի­ներու ծխա­կան խո­հուրդնե­րու ատե­նապետ­ներ.

Տէ­րու­նա­կան Աղօթ­քէն առաջ քա­րոզեց մեր Հո­գեւոր Պե­տը։

Քա­րոզի աւար­տին Նո­րին Ամե­նապա­տուու­թիւնը խօ­սեցաւ նաեւ Իս­կենտէ­րու­նի Ս. Քա­ռաս­նից Ման­կանց Եկե­ղեց­ւոյ եւ անոր անհրա­ժեշտ նո­րոգու­թեան մա­սին։ Ըսաւ որ կա­րեւոր է այդ եկե­ղեցին եւ պէտք է օժան­դա­կենք անոր նո­րոգու­թեան:

Ամեն. Ս. Պատ­րիարք Հայ­րը շնոր­հա­ւորեց ու բարձր գնա­հատեց յատ­կա­պէս Վա­քըֆ­գիւղի բնա­կիչ­նե­րը, գլխա­ւորու­թեամբ իրենց հո­վուին՝ Արժ. Տ. Աւե­տիս Քա­հանա­յի, Ճեմ Չա­փարի ատե­նապե­տու­թեամբ Ծխա­կան Խոր­հուրդի եւ գիւ­ղա­պետ Պերճ Քար­թունի ու յա­րատե­ւու­թիւն մաղ­թեց իրենց։

Յա­ւարտ Ս. Պա­տարա­գի Եկե­ղեց­ւոյ բա­կին մէջ կա­տարո­ւեցաւ աւան­դա­կան խա­ղողօրհնէ­քը։ Ապա հա­րիսա­յի կաթ­սա­ներն օրհնո­ւեցան մա­տաղի յա­տուկ աղօթնքե­րով ու բաժ­նո­ւեցան ներ­կայ հա­ւատա­ցեալ­նե­րուն։

Վե­րափոխ­ման Տօ­նը Իզ­մի­րի մէջ

Սուրբ Աս­տո­ւածած­նի Վե­րափոխ­ման տօ­նը նշո­ւեցաւ Իզ­մի­րի Նոթր Տամ տը Լուրտ եկե­ղեց­ւոյ մէջ՝ հա­ւատա­ցեալ հա­մայնքի ան­դամնե­րու մաս­նակցու­թեամբ։

Սուրբ Պա­տարա­գը մա­տու­ցա­նեց Արժ. Տ. Ար­սէն Քհն. Էքին­ճեան։ Սպա­սար­կե­ցին Մա­րիա Հա­զար, Յով­սէփ Էքին­ճեան, Սի­մոն Էքին­ճեան, Մար­կոս Կիւ­վէրճեան եւ Պետ­րոս Փի­թաս։

Տէր Հայ­րը քա­րոզին մէջ անդրա­դար­ձաւ Ս. Աս­տո­ւածած­նի Վե­րափոխ­ման խոր­հուրդին՝ շեշ­տե­լով Ս. Աս­տուածած­նի հա­ւատ­քի, հնա­զան­դութեան եւ Աս­տուծոյ կամ­քին լիակա­տար նո­ւիրու­մի օրի­նակը։ Ս. Մա­րիամը, որ իր կեան­քը նո­ւիրեց Աս­տուծոյ եւ դար­ձաւ մեր Տի­րոջ՝ Յի­սուս Քրիս­տո­սի մայ­րը, Հայ Եկե­ղեց­ւոյ մէջ կը յի­շատա­կուի որ­պէս հա­ւատ­քի, մաք­րութեան եւ մայ­րա­կան սի­րոյ մե­ծագոյն օրի­նակ­նե­րէն մէ­կը։ Տէր Հայ­րը ըսաւ.

«Սուրբ Աս­տո­ւածած­նի Վե­րափոխ­ման տօ­նը մե­զի կը յի­շեց­նէ, թէ Աս­տուծոյ շնորհքով եւ հա­ւատ­քով ապ­րող մար­դու կեան­քը դէ­պի երկնա­յին իրա­կանու­թիւն կը բարձրա­նայ։ Ս. Մա­րիամի կեան­քը մե­զի կը սոր­վեցնէ հա­ւատա­րիմ մնալ Աս­տուծոյ կամ­քին, սի­րով ծա­ռայել մեր մեր­ձա­ւոր­նե­րուն եւ մեր սիր­տե­րը բաց պա­հել աս­տո­ւածա­յին շնորհքին։ Թող Ս. Աս­տո­ւածած­նի բա­րեխօ­սու­թիւնը առաջ­նորդէ մեր ըն­տա­նիք­նե­րը եւ մեր հա­մայնքը՝ պա­հելով մեզ հա­ւատ­քի, սի­րոյ, խա­ղաղու­թեան եւ յոյ­սի մէջ»։

Յա­ւարտ Ս. Պա­տարա­գի կա­տարուեցաւ խա­ղողօրհնէք։ Օրհնուած խա­ղողը բաժ­նո­ւեցաւ ներ­կա­ներուն՝ որ­պէս Աս­տուծոյ շնորհնե­րուն եւ առա­տու­թեան խորհրդա­նիշ։

Ս. Աս­տո­ւածած­նի Վե­րափոխ­ման տօ­նը դար­ձաւ հա­ւատ­քի, միու­թեան եւ հա­մայնքա­յին հա­մերաշ­խութեան գե­ղեցիկ վկա­յու­թիւնը։