Ն.Ա.Տ. Սահակ Բ. Պատրիարք Հայրը, 19 Ապրիլ 2026, Կիրակի, Պաքըրգիւղի Ծնունդ Ս. Աստուածածնի Եկեղեցւոյ մէջ նախագահեց Աշխարհամատրան Կիրակիի Ս. Պատարագին։
Տէրունական Աղօթքէն առաջ քարոզի երկրորդ մասին մէջ մեր Հոգեւոր Պետը անդրադարձաւ Գալֆաեան ուխտի միաբանուհի Առաքինազարդ Քոյր Գայեանէ Կսրկ. Տուլքատիրեանին ու անոր ծառայութեան մասին եւ ըսաւ, որ գնահատելով իր քսանեամեայ անխոնջ ծառայութիւնը պիտի շնորհէ իրեն մայրութեան պատիւ.
Նորին Ամենապատուութիւնը ապա խորանին վրայ, աղօթքներով օրհնեց Գալֆաեան Ուխտի նոր մայրը՝ Մայր Գայեանէ Կսրկ. Տուլքատիրեանը եւ իրեն տուաւ Երանաշնորհ Շնորհք Պատրիարքէն մնացած խաչ մը՝ որպէս մայրութեան նշան.
Եկեղեցական արարողութեանց աւարտին «Յոյս» միութեան կողմէ սարքուեցաւ ընդունելութիւն մը:
