Ալիեւի Թիկնապահներու Յարձակումը Ուաշինկթընի Մէջ

Ատրպէյճանի նախագահ Ալիեւի թիկնապահները, 19 Փետրուարին, Ուաշինկթընի մէջ, յարձակեցան խաղաղ ցուցարարներու վրայ՝ Թրամփի «Խաղաղութեան Խորհուրդ»ի անդրանիկ գագաթնաժողովի վայրին մօտ։

Ցուցարարները բողոքած էին Ալիեւի բռնապետական կառավարման եւ քաղաքական այլախոհներու դաժան ճնշումներուն դէմ։

Յարձակումը համեմատուեցաւ 2017ին Թուրքիոյ նախագահ Էրտողանի թիկնապահներուն կողմէ քիւրտ եւ հայ ցուցարարներու վրայ կատարուած յարձակումին։

Շարք մը քոնկրեսականներ, այդ թուին Քոնկրեսի Հայկական Համախմբումի համաատենապետ Ֆրենք Փալոն եւ քոնկրեսական Լօրա Ֆրիտմըն դատապարտեցին յարձակումը՝ կոչ ընելով մեղաւորները պատժել։

Սակայն փոխնախագահ Վենս անցեալ շաբաթ այցելեց Պաքու եւ ռազմավարական գործընկերութեան համաձայնագիր կնքեց։

Յիշեցնենք, որ 2017ի յարձակումին համար ամբաստանուած 19 թուրք թիկնապահներուն դէմ հետապնդումը 2018ին դադարեցուեցաւ։