«Ամարանոց աշխատանոց»ը ամբողջացուց իր շրջանը

Ամառ­նա­յին ար­ձա­կուրդը կա­մաց-կա­մաց կը հաս­նի իր աւար­տին, անոր հետ մէկ­տեղ՝ Եսա­յեան Միու­թեան «Ամա­րանոց աշ­խա­տանոց» ծրա­գիրը ամ­բողջա­ցուց իր շրջա­նը։ Յու­լիս 16-էն մին­չեւ Օգոս­տո­սի 27՝ եօթը շա­բաթ շա­րու­նակ, մաս­նա­կից­նե­րուն ձայ­նե­րը ար­ձա­գան­գե­ցին Գնա­լըի բար­ձունքէն՝ ծի­ծաղ ու լե­զու, ստեղ­ծա­գոր­ծա­կան եռանդ եւ նոր մտեր­մութիւններ։

Լա­րա Սու­լո­ւօղ­լո­ւին հետ բնու­թե­նէն հա­ւաքած նիւ­թե­րով պատ­կերներ պատ­րաստե­ցինք, Ժու­լիանա Ճե­պեճիին հետ ծո­վու հա­մար գու­նա­ւոր պա­յու­սակներ ձե­ւաւո­րեցինք, Դա­լար Մի­տոյեանին հետ տպագ­րութեան տար­բեր ձե­ւերով գոր­ծեր ստեղ­ծե­ցինք, Թի­նա Քոբ­մա­յին հետ միասին մտա­ծեցինք ու հա­ճոյ­քով հար­ցումներ հար­ցուցինք, Նա­րօտ Ավ­ճըին հետ ձեռ­քերնիս աղ­տո­տելով կա­ւէ գոր­ծեր շի­նեցինք, Վար­դան Էս­դուգեանին եւ Վա­հագն Քէ­շիշեանին հետ Եսա­յեան Միու­թեան «Հար­կաւ» թեր­թի­կին նոր թի­ւը պատ­րաստե­ցինք, ու Միհ­րան Թով­մա­սեանին հետ ազա­տօրէն պա­րեցինք։

76 մաս­նա­կից ներ­կայ եղան մեր աշ­խա­տանոց­նե­րուն՝ ընդհա­նուր 130 ար­ձա­նագ­րութիւն, 5-էն մին­չեւ 15 տա­րեկան։ Տա­կաւին շա­տեր մաս­նակցե­ցան առանց ար­ձա­նագ­րո­ւելու, որոնց առ­ջեւ բաց էին դռնե­րը Սբ. Գրի­գոր Լու­սա­ւորիչ եկե­ղեց­ւոյ։

Սրտա­գին շնոր­հա­կալու­թիւն բո­լոր ծնող­նե­րուն, որոնք մե­զի վստա­հեցան իրենց զա­ւակ­նե­րը։ Նաեւ մեր բո­լոր վա­րիչ­նե­րուն, իրենց ժա­մանա­կին, ստեղ­ծա­գործ գա­ղափար­նե­րուն եւ սի­րոյն հա­մար։ Եւ վեր­ջա­պէս Ներ­սէ­սեան Դպրաց դա­սին, իր ջերմ աջակ­ցութեան հա­մար։

Յոյ­սով ենք որ ծրա­գիրը պի­տի վե­րադառ­նայ գալ ամառ։ Կը սպա­սենք ձե­զի մեր յա­ռաջի­կայ աշ­խա­տանոց­նե­րուն եւ ձեռ­նարկնե­րուն։ Մին­չեւ այն ատեն, բա­րի աշուն։