Անժամանակ կորուստ

Համայնքիս կրթական շրջանակները սուգի մէջ են, կեանքէն հեռացած երիտասարդ կրթական մշակի մը անժամանակ կորուստով։

Ս. Խաչ Դպրեվանք եւ Կեդրոնական վարժարաններու կենսաբանութեան ուսուցչուհի Տիգրիս Թաշքըրանը, ուղեղային կաթուածի հետեւանքով կորսնցուցինք։

Ցաւալի դէպքը պատահեցաւ անցեալ շաբաթ, երեքշաբթի օր, Ս. Խաչ Վարժարանի ուսուցչարանին մէջ։ Ան թէեւ անմիջապէս հիւանդանոց տեղափոխուեցաւ, գործողութեան առնուեցաւ, բայց յաջորդող օրերը դրական որեւէ զարգացում չբերին։ Մտաւ մահաքունի մէջ, իսկ Կիրակի գիշեր անժամանակ հրաժեշտ առաւ կեանքէն։

Մենք իր ընտանիքի բոլոր պարագաներուն Աստուծմէ համբերութիւն եւ մխիթարութիւն կը մաղթենք։