Կը վերսկսին հայերէնի դասընթացքները

Հրանդ Տինք Հիմնարկի յարատեւ նախաձեռնութիւններէն մէկն ալ հայերէն լեզուի դասընթացքներն են։ 2025-2026 ուսման տարեշրջանի երկրորդ հատուածը կը մեկնարկէ 16 Փետրուար 2026-ին։

Դասընթացքներու համար կը նախատեսուի 18 շաբաթներու տեւողութեան մէջ 72 ժամ կազմող դասապահեր, շաբթուն երկու օրերը չորսական ժամ տեւողութեամբ։

Առցանց ծրագրի մասնակիցները պիտի կրնան առաջադրուած չորս մակարդակներէն որեւէ մէկը ընտրել։

Առաջին մակարդակին մասնակիցները պիտի ծանօթանան հայերէնի տառերուն եւ ձայներուն։ Պիտի սկսին ներկայ եւ ապագայ ժամանակներով հիմնական նախադասութիւններ կազմել։ Երկրորդ մակարդակը կ՚ապահովէ ճշգրիտ ընթերցում, ընթերցածը հասկնալ եւ բառացի արտայայտելու յատկութիւնները զարգացնել։ Երրորդ մակարդակը կը համարուի միջին դասակարգ, ուր մասնակիցները կը զարգացնեն ընկալելու եւ արտայայտելու յատկութիւնները։ Կը ծանօթանան ժամանակի տարբեր հատուածներու գործածութեան։ Չորրորդ դասակարգը կը նախատեսէ սահուն խօսակցութիւն։

Առաջին երեք դասակարգերու համար անհրաժեշտ է թրքերէնի տիրապետել, քանի որ հայերէնը այս լեզուի հետ կամրջելով կը դասաւանդուի։

Մասնակիցները պարտին 16 տարեկանը անցած ըլլալ, ստեղնաշարի վրայ հայերէն տառեր ունենալ։ Իւրաքանչիւր դասակարգի մեկնարկման համար անհրեժեշտ է առնուազն երեք անդամի մասնակցութիւն։

Լրացուցիչ տեղեկութիւններու համար այցելել Հրանդ Տինք Հիմնարկի կայքէջը։