«Հայաստան կրնայ զրկուիլ բոլոր արտօնութիւններէն»

Ռու­սիան Հա­յաս­տա­նէն ետ պի­տի առ­նէ բո­լոր «նո­ւէր­նե­րը» եւ ար­տօ­նու­թիւննե­րը, եթէ այդ եր­կի­րը շա­րու­նա­կէ Արեւ­մուտքին հետ իր սի­րախա­ղը։ «Թասս» գոր­ծա­կալու­թեան հետ զրոյ­ցին ըն­թացքին այս մա­սին ըսաւ Ռու­սիոյ Տու­մա­յի մի­ջազ­գա­յին հար­ցե­րու յանձնա­ժողո­վի փոխ­նա­խագահ Ալեք­սէյ Չե­փան։

«Հա­յաս­տա­նը չի կրնար միեւ­նոյն ատեն եր­կու աթո­ռի նստիլ։ Անոնք կ՛ու­զեն ար­տօ­նու­թիւններ ստա­նալ Ռու­սիայէն, բայց նաեւ Արեւ­մուտքի խա­ղը խա­ղալ։ Թող խա­ղան, բայց այդ պա­րագա­յին, բնա­կանա­բար, մենք ալ մեր «նո­ւէր­նե­րը» ետ կ՚առ­նենք», նշեց ռուս պատ­գա­մաւո­րը`աւելցնե­լով, թէ այդ պա­րագա­յին «Փա­շինեան բարդ կա­ցու­թեան մէջ կը յայտնո­ւի»։

Մոս­կո­ւա կը շա­րու­նա­կէ պնդել, որ Հա­յաս­տան պէտք է հան­րա­քուէ կա­տարէ՝ ընտրե­լով Եւ­րո­պական եւ Եւ­րա­սիական միու­թիւննե­րուն մի­ջեւ։

Նա­խօրէին վար­չա­պետ Նի­կոլ Փա­շինեան յայ­տա­րարեց, որ Հա­յաս­տան յա­ռաջի­կային պի­տի սկսի Եւ­րո­պական Միու­թեան ան­դա­մագ­րո­ւելու պաշ­տօ­նական դի­մում ներ­կա­յաց­նե­լու գոր­ծընթա­ցին՝ միեւ­նոյն ատեն պա­տաս­խա­նելով Ռու­սիոյ պա­հան­ջին։ «Իմ ըն­կա­լումն այն է, որ մենք հան­րա­քուէ կ՚անցկաց­նենք ան­դա­մագ­րո­ւելու հար­ցով պաշ­տօ­նապէս ԵՄ-ին դի­մելուց, հա­մապա­տաս­խան ար­ձա­գանգ ստա­նալուց եւ գոր­ծընթա­ցի վե­րաբե­րեալ ճա­նապար­հա­յին քար­տէս ու­նե­նալուց յե­տոյ», ընդգծեց Նի­կոլ Փա­շինեան։