Թուրքիայի մի շարք քաղաքներում բռնկված բողոքի ցույցերի մասնակիցները պնդում են, որ անցկացված հանրաքվեի ընթացքում մի շարք խախտունմներ են տեղի ունեցել։ Բողոքի ցույցեր են իրականացվել Ստամբուլի Քադըքյոյ, Բեշիքթաշ, Քարթալ, Ավջըլար, Էսենյուրթ և Բաքըրքյոյ թաղամասերում։ Քադըքյոյ թաղամասում հավաքվածները «Ո՛չ, մենք ենք հաղթելու» պաստառներով քայլել են դեպի Թուրքիայի Բարձրագույն ընտրական հանձնաժողովի շենք։
Բերման ենթարկվածներ՝ Անթալիայում և Իզմիրում
Անթալիայում իրականացված բողոքի ցույցերին ոստիկանական միջամտություն է տեղի ունեցել, ցույցի որոշ մասնակիցներ բերման են ենթարկվել։ «Երիտասարդական ընդդիմություն»-ը հայտնում է, որ 15 հոգի է բերման ենթարկվել։ Իզմիրի Բորնովայում տեղի ունեցած ցույցերի ընթացում մեծ թվով ուսանողներ են բերման ենթարկվել։ Անկարայում Միջին Արևելքի տեխնիկական համալսարանի՝ ODTÜ-ի ուսանողները «Բռնապետին չենք հանձնվելու» սլոգաններով բողոքի երթ են իրականացրել։
