Յիշատակում՝ Եդուարդ Թովմասեանի եւ Նազար Պիւյիւմի

Սուրբ Խաչ Դպրե­վան­քի եր­կու ար­ժա­նաւոր սա­ներ Եդո­ւարդ Թով­մա­սեան եւ Նա­զար Պիւ­յիւմ կը յի­շատա­կուին յա­տուկ մի­ջոցա­ռումնե­րով։

Եդո­ւարդ Թով­մա­սեան 14 Դեկ­տեմբեր կի­րակի օր նախ Գու­րուչեշ­մէ Երեւ­ման Սուրբ Խաչ Եկե­ղեց­ւոյ մէջ հո­գեհանգստեան Պա­տարա­գով եւ ապա Պա­լըք­լըի գե­րեզ­մա­նատան մէջ շի­րիմի այ­ցե­լու­թեամբ պի­տի յի­շատա­կուի մա­հուան Ա. տա­րելի­ցի առի­թով։ պատարագի բազ­մա­ձայն եր­գե­ցողու­թիւնը պի­տի կա­տարէ Սա­յաթ Նո­վա Երգչա­խումբը։

Միւս կող­մէ 17 Դեկ­տեմբե­րին, այս ան­գամ Անա­րատ Յղու­թիւն շէն­քի «Հա­ւաք» սրա­հին մէջ պի­տի յի­շատա­կուի մի այլ դպրե­վանքցի՝ Նա­զար Պիւ­յիւմ։

Ու­շագրաւ է որ թէ՛ Թով­մա­սեան եւ թէ Պիւ­յիւմ մաս­նա­գիտա­ցած էին հրա­տարակ­չա­կան աս­պա­րէզին մէջ։

Թով­մա­սեան հիմ­նա­դիրը եղած էր «Արաս» հրա­տարակ­չա­տան, որ աւե­լի քան 30 տա­րինե­րու գոր­ծունէու­թեան մէջ մեծ նպաստ ու­նե­ցաւ հայ գրա­կանու­թեան թրքե­րէն ըն­թերցող­նե­րու շրջա­նակէն ներս տե­սանե­լի ըլ­լա­լու առու­մով։

Նման առա­քելու­թիւն վի­ճակե­ցաւ Նա­զար Պիւ­յիւմին, որ իր հիմ­նած «Ատամ» հրա­տարակ­չա­տու­նով բա­զում գիր­քեր լոյս ըն­ծա­յեց, յատ­կա­պէս ժա­մանա­կակից հե­ղինակ­նե­րու գոր­ծե­րէն։

Պիւ­յիւմի հա­մար նա­խատե­սուած յի­շատակ­ման մի­ջոցառ­ման իրենց մաս­նակցու­թիւնը պի­տի բե­րեն Սե­ւեն­կիւլ Սէօն­մեզ, Թուրկայ Ֆի­շեք­չի եւ Ռո­պէր Քոփ­թաշ։ Անոնք պի­տի փոր­ձեն Նա­զար Պիւ­յիւմի գրա­կան եւ մշա­կոյ­թի ներդրու­մը նկա­րագ­րել, իսկ բա­նաս­տեղծ եւ թարգմա­նիչ Ճե­վաթ Չա­փան ալ վի­տէօ նկա­րահա­նու­մով մը յու­շեր պի­տի փո­խան­ցէ մեծ մտա­ւորա­կանի հետ ու­նե­ցած ապ­րումնե­րէն։

«Ոմանք» խումբի ան­դամներ Արի Հեր­կել եւ Լա­րա Նա­րին ալ երաժշտա­կան կա­տարու­մով պի­տի մաս­նակցին մի­ջոցառման։