Հոկտեմբերին Վրաստանի մէջ պիտի կայանայ Հայաստանի մշակոյթի օրեր

2026-ի Հոկ­տեմբե­րին Վրաս­տա­նի մէջ պի­տի կա­յանայ Հա­յաս­տա­նի մշա­կոյ­թի օրեր՝ նո­ւիրո­ւած Հա­յաս­տա­նի Հան­րա­պետու­թեան ան­կա­խու­թեան 35-ամեակին։ Այս մա­սին կը տե­ղեկա­նանք ԿԳՄՍ նա­խարա­րու­թե­նէն։

Սեպ­տեմբե­րի 3֊ին` նա­խապատ­րաստա­կան աշ­խա­տանքնե­րու շրջա­նակով, ՀՀ ԿԳՄՍ նա­խարա­րի տե­ղակալ Տիգ­րան Վի­րապեան մեկ­նած է Թբի­լիսի, հան­դի­պած Վրաս­տա­նի մշա­կոյ­թի նա­խարա­րի տե­ղակալ Գիոր­գի Միրցխու­լա­վայի հետ: Հան­դիպման ներ­կայ եղած է նաեւ Վրաս­տա­նի մէջ Հա­յաս­տա­նի Հան­րա­պետու­թեան դես­պան Աշոտ Սմբա­տեանը։ Կող­մե­րը քննար­կած են Հա­յաս­տա­նի մշա­կոյ­թի օրեր ծրագ­րի կազ­մա­կերպման առնչո­ւող հար­ցեր, անդրա­դար­ձած երկկողմ մշա­կու­թա­յին կա­պերու զար­գացման նոր հնա­րաւո­րու­թիւննե­րուն։

Նա­խարա­րի տե­ղակալն այ­ցե­լած է նաեւ Թբի­լիսի Զա­քարիա Պա­լիաշ­վի­լիի անո­ւան օփե­րայի եւ պա­լէտի ազ­գա­յին ակա­դեմիական թատ­րոն, հան­դի­պած թատ­րո­նի գե­ղարո­ւես­տա­կան ղե­կավար Բադ­րի Մայ­սուրա­ձէի հետ:

Վրաս­տա­նի մէջ Հա­յաս­տա­նի մշա­կոյ­թի օրեր ծրա­գիրը կը մեկ­նարկէ Հա­յաս­տա­նի ազ­գա­յին ֆիլ­հարմո­նիկ նո­ւագա­խումբի կա­լա-հա­մեր­գով, որ տե­ղի կ՚ու­նե­նայ Հոկ­տեմբե­րի 7-ին։

Կը նա­խատե­սուի նաեւ Երո­ւանդ Քո­չարի աշ­խա­տանքնե­րու ցու­ցադրու­թիւն, որ կը գոր­ծէ Հոկ­տեմբե­րի 7-էն մին­չեւ Նո­յեմ­բե­րի 8-ը: