Գերշ. Տ. Արամ Ս. Արքեպիսկոպոսի քահանայական ձեռնադրութեան յիսնամեակը կը նշուի

Ն.Ա.Տ. Սա­հակ Բ. Սրբա­զան Պատ­րիարք Հօր գլխա­ւորու­թեամբ Պատ­րիար­քա­կան Աթո­ռը կը պատ­րաստո­ւի նշել Աթո­ռի Հո­գեւո­րակա­նաց Դա­սու երի­ցագոյն ան­դա­մին՝ Գերշ. Տ. Արամ Ս. Ար­քե­պիս­կո­պոս Աթէ­շեանի քա­հանա­յական ձեռ­նադրու­թեան յիս­նա­մեայ յո­բելեանը։

Այս առ­թիւ Նո­րին Ամե­նապա­տուու­թեան հո­վանա­ւորու­թեամբ պի­տի կազ­մա­կեր­պո­ւին շարք մը հան­դի­սու­թիւններ, որոնց գլխա­ւորը պի­տի ըլ­լայ Ս. Աս­տուածա­ծին Աթո­ռանիստ Մայր Եկե­ղեց­ւոյ մէջ Գերշ. Տ. Արամ Սրբա­զան Հօր ձե­ռամբ մա­տու­ցա­նելի գո­հաբա­նական Սուրբ Պա­տարա­գը, որուն հա­մար նա­խատե­սուած է 15 Նո­յեմ­բեր 2026, Յիս­նա­կի Բա­րեկեն­դա­նի Կի­րակին։ Նա­խատե­սուած է նաեւ սար­քել Սի­րոյ Սե­ղան եկե­ղեց­ւոյ յա­րակից Յա­րու­թիւն Ամի­րա Պէզ­ճեան Սրա­հին մէջ։

Հո­գեւոր հան­դի­սու­թեանց առըն­թեր տե­ղի պի­տի ու­նե­նայ նաեւ մշա­կու­թա­յին հան­դի­սու­թիւն մը, որուն թո­ւակա­նը եւ վայ­րը կը տե­ղեկա­ցուի յե­տագա­յին։

Այս յո­բելե­նական նշու­մը հո­գեւո­րական­նե­րու եւ աշ­խարհա­կան­նե­րու առիթ պի­տի ըն­ծա­յէ նաեւ Նո­րին Սրբազ­նութեան ծա­ռայու­թեան մա­սին իրենց սրտի խօս­քե­րը գրի առ­նե­լու, որոնք պի­տի հա­ւաքո­ւին յա­տուկ յու­շա­մատեանի մը մէջ։

Հան­դի­սու­թիւննե­րու առ­թիւ պի­տի կազ­մո­ւի յանձնա­խումբ մը, նա­խագա­հու­թեամբ Ամեն. Ս. Պատ­րիարք Հօր։