Նիկիոյ մէջ յայտնաբերուեցաւ Փոքր Ասիոյ միակ «Հովիւ Քրիստոս» խճանկարը
Պուրսաի Նիկիոյ թաղամասին, Քրիստոսէ ետք 3-րդ դարու պատկանող գերեզմանի մը մէջ գտնուեցաւ "Հովիւ Յիսուս Քրիստոս" խճանկարը, որ մինչեւ հիմա Փոքր Ասիոյ մէջի գտնուող միակ օրինակ ըլլալու հաւանականութիւն ունի։
Ըստ Arkeolojihaber-ի՝ այս յայտնագործութիւնը կ՚արժեւորուի իբրեւ շատ կարեւոր գիւտ՝ թէ՛ Թուրքիոյ եւ թէ ալ համաշխարհային հնագիտութեան համար։
Կը գրուի թէ Հիսարտէրէի հնագոյն գերեզմանատունը Քրիստոսէ ետք 2-5-րդ դարերու միջեւ օգտագործուած է թէ՛ հարուստ ընտանիքներու եւ թէ հասարակ ժողովուրդին կողմէ։ Տարածքին մէջ յայտնաբերուած գերեզմանի տեսակներու մէջ կը գտնուին նաեւ միայն Նիկիոյ շրջանի յատուկ, փայտէ տանիքով սենեակաձեւ «Թէրրաքօդդա» կոչուող գերեզմաններ։
«Հովիւ Յիսուս Քրիստոս» կերպարանքը
Հիւսիսային պատին վրայ կը գտնուի Փոքր Ասիոյ մէջ հազուադէպ տեսնուող "Հովիւ Յիսուս Քրիստոս" կերպարանքը։ խճանկարի մէջ երիտասարդ, առանց մօրուքի եւ պարզ ծածկոցով Յիսուս Քրիստոսը իր ուսերուն վրայ կը կրէ խոշոր եղջերուներով այծ մը եւ երկու կողմերը կան երկու ուրիշ այծեր։ Ասիկա, հազուագիւտ կերպարանքներէն մէկն է որ Յիսուս Քրիստոսը Հռոմէացիի մը պէս նկարագրուած է։
Ասկէ զատ, Հիսարտէրէ Նեքրօփօլիսին մէջ Յիսուս Քրիստոսի պատկերը յայտնաբերուած առաջին գերեզման ըլլալու յատկութիւնը ունի։
