Փութին- Փաշինեան հանդիպում Պիշքեքի մէջ

Հայ-ռու­սա­կան լա­րուած յա­րաբե­րու­թիւննե­րու լոյ­սին տակ, վե­րընտրո­ւելէն ետք առա­ջին ան­գամն ըլ­լա­լով 1 Սեպ­տեմբե­րին տե­ղի ու­նե­ցաւ Հա­յաս­տա­նի վար­չա­պետ Նի­կոլ Փա­շինեանի եւ Ռու­սիոյ նա­խագահ Վլա­տիմիր Փու­թի­նի հան­դի­պու­մը Պիշ­քե­քի մէջ։

Հան­դի­պու­մին ըն­թացքին Փու­թին ըսաւ, որ Հա­յաս­տա­նի ձգտու­մը՝ դէ­պի Եւ­րո­պական Միու­թիւն, երկրի օրի­նական իրա­ւունքն է, սա­կայն այս մէ­կը բար­դութիւններ կը ստեղ­ծէ, նաեւ՝ Հա­յաս­տա­նի ԵԱՏՄ-ի մէջ մնա­լուն։ «Որ­քան շուտ Հա­յաս­տա­նը կողմնո­րոշո­ւի Եւ­րո­պական Միու­թեան ան­դա­մակ­ցե­լու հար­ցով, այնքան լաւ։ Մոս­կո­ւայի մէջ պէտք է հասկնանք՝ ինչպէ՛ս զար­գացնել հե­տագայ յա­րաբե­րու­թիւննե­րը», նշեց ան։

Անդրա­դառ­նա­լով մէ­կու­կէս տա­րի առաջ Հա­յաս­տա­նի Ազ­գա­յին ժո­ղովին ըն­դունած օրէն­քին, որ կ՛ազ­դա­րարէ Երե­ւանի։ Եւ­րո­պական Միու­թեան ան­դա­մակ­ցութեան գոր­ծընթա­ցի մեկ­նարկը, Ռու­սիոյ նա­խագա­հը յայտնեց, որ Հա­յաս­տա­նի՝ այլ կազ­մա­կեր­պութեան ան­դա­մակ­ցե­լու գոր­ծընթա­ցին սկսե­լու մա­սին օրէն­քի ըն­դունու­մը ար­դէն կը նշա­նակէ գոր­ծող կազ­մա­կեր­պութե­նէն դուրս գա­լու յայ­տա­րարու­թիւն։

Փու­թին ան­գամ մը եւս առա­ջար­կեց՝ «Հա­յաս­տա­նի ժո­ղովուրդին կա­րելիու­թիւն տալ ընտրե­լու Եւ­րո­պական Միու­թեան ան­դա­մակ­ցե­լու հար­ցով, մար­դոց հարցնե­լու, թէ ի՞նչ կ՛ու­զեն»։

Ասոր զու­գա­հեռ, Ռու­սիոյ նա­խագա­հը շեշ­տեց, որ Ռու­սիա Հա­յաս­տա­նի հիմ­նա­կան տնտե­սական գոր­ծընկերն է, տա­րես­կիզբէն մին­չեւ օրս եր­կու եր­կիրնե­րուն մի­ջեւ առեւտրաշրջա­նառու­թիւնը կազ­մած է 2.5 մի­լիառ տո­լար: Ան նաեւ մատ­նանշեց Եւ­րա­սիական տնտե­սական միու­թեան Հա­յաս­տա­նի ան­դա­մակ­ցութեան ար­դիւնքնե­րը. այդ ըն­թացքին հան­րա­պետու­թեան հա­մախառն ներ­քին ար­տադրու­թիւնը եռա­պատ­կո­ւած է, իսկ հայ­կա­կան ապ­րանքնե­րու ար­տա­ծու­մը աւել­ցած 10 ան­գա­մով։

«Ռու­սիա միշտ հան­դէս կու գայ Հա­յաս­տա­նի հետ բա­րեկա­մական եւ փոխ­շա­հաւէտ յա­րաբե­րու­թիւննե­րու զար­գացման օգ­տին, ինչ որ կը հա­մապա­տաս­խա­նէ եր­կու եր­կիրնե­րու ժո­ղովուրդնե­րուն հիմ­նա­րար շա­հերուն», նշեց ան։

Փա­շինեան իր կար­գին յայ­տա­րարեց. «ԵԱՏՄ կար­գա­ւորումնե­րով որե­ւէ երկրի կազ­մա­կեր­պութե­նէն դուրս թող­նե­լու գոր­ծի­քակազմ չկայ։ Անոր հա­մար պե­տու­թիւնը ին­քը առ­նո­ւազն վեց ամիս առաջ պէտք է ծա­նու­ցէ կազ­մա­կեր­պութեան։ Մենք նման ծա­նու­ցում չենք փո­խան­ցած ԵԱՏՄ-ին: Իրա­վիճա­կին պէտք է նա­յիլ այդ ելա­կէտէն»։

Ան դի­տել տո­ւաւ, որ Երե­ւանի հա­մար կա­րեւոր է ու­նե­նալ այ­լընտրանքներ, ինչ որ՝ «մեր օրի­նական իրա­ւունքն է։ Բայց այդ չի նշա­նակեր, որ մենք դժգոհ ենք ԵԱՏՄ-էն՝ չնա­յած այնտեղ կան խնդիր­ներ»։

Փա­շինեան պնդեց, որ Եւ­րո­պական Միու­թեան ան­դա­մակ­ցութեան օրէն­քի ըն­դունու­մով Հա­յաս­տան չէ խախ­տած ԵԱՏՄ-ի մէջ որե­ւէ պար­տա­ւորու­թիւն. «Այդ հար­ցը այնքան չէ հա­սու­նա­ցած, որ դրո­ւի ժո­ղովրդա­կան հան­րա­քուէի, մենք այդ օրէն­քը ըն­դունած ենք, որ­պէսզի հան­րա­քուէ չանցկաց­նենք»։

Փու­թի­նի հետ հան­դի­պու­մէն ետք Փա­շինեան յայ­տա­րարեց. «Շատ լաւ հան­դի­պում ու­նե­ցայ ՌԴ նա­խագահ Վլա­տիմիր Փու­թի­նի հետ։ Եւ պայ­մա­նաւո­րուե­ցանք ան­կեղծ եւ կա­ռու­ցո­ղական խօ­սակ­ցութիւ­նը շա­րու­նա­կել Մոս­կո­ւա կա­տարե­լիք իմ յա­ռաջի­կայ այ­ցի ըն­թացքին։ Պէտք է ար­ձա­նագ­րել, որ Հա­յաս­տան-Ռու­սաստան յա­րաբե­րու­թիւննե­րը եր­կու երկրնե­րու հա­մար չա­փազանց կա­րեւոր են, եւ մենք շատ խնամ­քով կը վե­րաբե­րենք այդ յա­րաբե­րու­թիւննե­րուն, ՌԴ-ն ալ նա­խագահ Փու­թի­նի գլխա­ւորու­թեամբ խնամ­քով կը վե­րաբե­րուի»։

«Բայց նաեւ պէտք է ար­ձա­նագ­րել, որ նոր մի­ջավայ­րին, նոր պայ­մաննե­րուն այդ յա­րաբե­րու­թիւննե­րը վե­րաձե­ւակեր­պե­լու անհրա­ժեշ­տութիւն կայ եւ այդ վե­րաձե­ւակերպման ար­դիւնքին յա­րաբե­րու­թիւննե­րը կ՚ըլ­լան աւե­լի լաւ, աւե­լի կա­ռու­ցո­ղական, աւե­լի փոխ­շա­հաւէտ եւ աւե­լի ջերմ», յայտնեց վար­չապետը։