Թեհրան մտահոգութիւններ կը յայտնէ
Իրանի Իսլամական յեղափոխութեան գերագոյն առաջնորդի միջազգային հարցերու խորհրդականԱլի Աքպար Վելայաթի 14 Դեկտեմբերին, Իրանի մօտ Հայաստանի դեսպան Գրիգոր Յակոբեանիհետ ունեցած հանդիպումին ընթացքին դիտել տուաւ, որ Կովկասի համար «Թրամփի ճամբան» գործնականօրէն «Զանգեզուրի միջանցք»ն է՝ միայն անունը փոխուած է։
Ըստ «Իրնա» լրատուական գործակալութեան՝ Վելայաթի ըսաւ, որ Թեհրան սկիզբէն դէմ եղած է«Զանգեզուրի միջանցք»ին, որովհետեւ կը մերժէ տարածաշրջանային սահմաններու որեւէփոփոխութիւն:
Իրանի մէջ Հայաստանի դեսպանատունը շաբաթավերջին տեղի ունեցած հանդիպումին գծովհաղորդագրութեան մէջ ոչ մէկ նշում կատարած էր այս նիւթին։
Արդարեւ, Հայաստանի իշխանութիւնները պարբերաբար կը հաստատեն, որ ՍիւնիքովԱտրպէյճանը Նախիջեւանին կապող ճամբան շահաւէտ է նաեւ այս նախագիծին վերաբերեալվերապահումներ ունեցող Մոսկուայի եւ Թեհրանի համար:
«Թրամփի ճամբայ» նախագիծին կոշտ կ՛արձագանգեն յատկապէս Իրանի հոգեւոր իշխանութեաններկայացուցիչները, մինչդեռ այդ երկրի նախագահը եւ արտաքին գործոց նախարարը աւելիմեղմօրէն կ՛արտայայտուին՝ որոշ մտահոգութիւններ յայտնելով:
