Վայրկեաններու արագութեամբ ընկղմեցաւ

Ռուս Ուկրաինա­կան պա­տերազ­մը կը շա­րու­նա­կէ ամ­բողջ սաստկու­թեամբ իր ազ­դե­ցու­թիւնը ծա­ւալե­լով նաեւ Սեւ Ծո­վեան վրայ նա­ւար­կող նա­ւերուն։ Յատ­կա­պէս բեռ­նա­տար նա­ւեր թի­րախը կը դառ­նան անօ­դաչու թռչող սար­քե­րուն։ Տա­կաւին շատ թարմ էր Մի­ջերկրա­կանի վրայ Կիպ­րո­սի Թրքա­կան Հան­րա­պետու­թե­նէն մեկ­նող ճամ­բորդա­տար նա­ւու տա­պալումն ու ընկղմո­ւիլը։ Ցարդ յայ­տնա­բերո­ւած են 8 դիակ­ներ, բայց կան նաեւ ան­հետ կո­րած­ներ, որոնց մա­սին կը մտա­ծուի թէ դուրս չեն կրցած գալ նա­ւէն։

2 Սեպ­տեմբե­րին վաղ առա­ւօտո­ւայ ժա­մերուն, ժա­մը 03.26-ի շուրջ Սի­լիվ­րիի ծո­վափէն 18 մղոն հե­ռաւո­րու­թեան վրայ բաց ծո­վու մէջ իրար բա­խած են եր­կու թրքա­կան նաւեր՝ Ալ­սու եւ Թուղպերք Իմա­մօղ­լու, որոնցմէ երկրոր­դը վայրկեան­նե­րու ըն­թացքին ընկղմած է եւ անոր տա­սը հո­գիէ բաղ­կա­ցած անձնա­կազ­մէն փրկո­ւող­ներ չկան։

Թեր­թիս հրա­տարա­կու­թեան պատ­րաստո­ւած ժա­մերուն մէկ կող­մէն կը շա­րու­նա­կուէր փրկա­րար աշ­խա­տու­թիւննե­րը, իսկ միւս կող­մէ ալ Ալ­սո­ւի նա­ւավա­րին եւ անձնա­կազ­մին հար­ցաքննութիւնները։