Վարչապետ Փաշինեանի եւ Հայաստանի օրակարգէն հատուածներ

ՀԱՊԿ-ի ան­դամ պե­տու­թիւննե­րու ղե­կավար­նե­րուն կը ներ­կա­յացուի Հա­յաս­տա­նին՝ ան­դա­մավ­ճարնե­րու պարտքե­րուն հա­մար կազ­մա­կեր­պութեան մար­միննե­րուն մէջ ձայ­նի իրա­ւունքէն զրկե­լու որոշ­ման նա­խագի­ծը, յայ­տա­րարեց Ռու­սիոյ Ար­տա­քին գոր­ծոց նա­խարար Սեր­կէյ Լաւ­րով, կազ­մա­կեր­պութեան ան­դամ եր­կիրնե­րու 10 Նո­յեմ­բե­րին կա­յացած ար­տա­քին գոր­ծոց նա­խարար­նե­րու ժո­ղովէն ետք:

Նշենք, որ 2024-էն ի վեր Երե­ւան դադ­րե­ցու­ցած է իր ան­դա­մավ­ճարնե­րուն փո­խան­ցումնե­րը:

Միաժա­մանակ, Լաւ­րով նշեց, որ Հա­յաս­տան ՀԱՊԿ-էն եւ Եւ­րա­սիական Տնտե­սական միու­թե­նէն դուրս գա­լու պաշ­տօ­նական դի­մում չէ ներ­կա­յացու­ցած եւ աւել­ցուց. «Հա­յաս­տա­նը ՀԱՊԿ-էն դուրս պի­տի չդնենք»:

«Ըստ իս, երբ Նի­կոլ Փա­շինեանը կ՛ըսէ՝ «Ես, ի հար­կէ, կ՚եր­թամ Եւ­րո­միու­թիւն, ինձմէ հան­րա­քուէ կը պա­հան­ջուի, որ հայ ժո­ղովուրդը որո­շէ՝ որ­տեղ է իր հա­մար լաւ՝ Եւ­րա­սիական տնտե­սական միու­թիւնը՞, թէ՛ ԵՄ-ը, ես այդ ընտրու­թիւնը կ՛ընեմ, երբ պաշ­տօ­նապէս յայտ կը ներ­կա­յաց­նեմ, եւ ինձ անոր վե­րաբե­րեալ կը պա­տաս­խա­նեն», այդ մէ­կը այ­լեւս ընտրու­թիւն չի նկա­տուիր, այլ ժո­ղովուրդը կանգնեց­նել կա­տարուած փաս­տի առ­ջեւ», պնդեց Լաւ­րով:

Ան նաեւ հարց տո­ւաւ, որ եթէ ՀԱՊԿ-ը Հա­յաս­տա­նի ապա­հովա­կան պա­հանջնե­րը չի բա­ւարա­րեր, ապա Հա­յաս­տան ին­չու չի հե­ռանար ան­կէ։

2022-ին Հա­յաս­տա­նի վրայ տե­ղի ու­նե­ցած ատրպէյ­ճա­նական յար­ձա­կու­մէն ետք, երբ ՀԱՊԿ-ը ոչ միայն օգ­նութիւն չցու­ցա­բերեց Հա­յաս­տա­նին, այլ նաեւ քա­ղաքա­կան գնա­հատա­կան չտո­ւաւ հայ­կա­կան տա­րածքնե­րու բռնագ­րաւման, պաշ­տօ­նական Երե­ւանը դա­դարե­ցուց ՀԱՊԿ-ի աշ­խա­տանքնե­րուն մաս­նակցի­լը։

Փա­շինեան եւ Մաք­րոն
քննար­կե­ցին Հա­յաս­տան-Ֆրան­սա
գոր­ծընկե­րու­թեան վե­րաբե­րող հար­ցեր

Էլի­զէի պա­լատին մէջ 10 Նո­յեմ­բե­րին տե­ղի ու­նե­ցաւ Հա­յաս­տա­նի վար­չա­պետ Նի­կոլ Փա­շինեանի եւ Ֆրան­սա­յի նա­խագահ Էմա­նուէլ Մաք­րո­նի հան­դի­պու­մը:

Ֆրան­սա­յի նա­խագա­հը ող­ջունեց Հա­յաս­տա­նի վար­չա­պետին այ­ցե­լու­թիւնը եւ մաս­նակցու­թիւնը Փա­րիզի Խա­ղաղու­թեան հա­մաժո­ղովին: Ան նշեց, թէ այդ հան­դի­պու­մը լաւ առիթ մըն է քննար­կե­լու երկկող­մա­նի ռազ­մա­վարա­կան յա­րաբե­րու­թիւննե­րու օրա­կար­գը:

Նի­կոլ Փա­շինեան ընդգծեց Հա­յաս­տան-Ֆրան­սա յա­րաբե­րու­թիւննե­րու բարձր մա­կար­դա­կը եւ կա­րեւոր նկա­տեց բո­լոր ուղղու­թիւննե­րով կա­պերու զար­գա­ցումն ու ընդլայ­նումը:

Զրու­ցա­կից­նե­րը քննար­կե­ցին երկկող­մա­նի փոխ­գործակ­ցութեան վե­րաբե­րող հար­ցեր: Անդրա­դարձ կա­տարո­ւեցաւ են­թա­կառու­ցո­ւածքնե­րու եւ այլ ուղղու­թիւննե­րով հա­մատեղ ծրա­գիր­նե­րու ըն­թացքին:

Քննար­կո­ւեցան Հա­յաս­տան-Եւ­րո­պական Միու­թիւն հա­մագոր­ծակցու­թեան հե­տագայ զար­գացման, որոնց կար­գին մուտքի վի­զանե­րու ազա­տակա­նաց­ման գոր­ծընթա­ցին եւ Եւ­րո­պական Միու­թեան աջակ­ցութեամբ իրա­կանա­ցուող բա­րեփո­խումնե­րու ըն­թացքին վե­րաբե­րող հար­ցեր։

Փա­շինեան եւ Մաք­րոն միտ­քեր փո­խանա­կեցին նաեւ տա­րածաշրջա­նային զար­գա­ցումնե­րու եւ տե­ղի ու­նե­ցող գոր­ծընթաց­նե­րու շուրջ:

Փա­շինեան Ֆրան­սա­յի մէջ մաս­նակցե­ցաւ Փա­րիզի Խա­ղաղու­թեան 9-րդ հա­մաժո­ղովին: Նո­յեմ­բեր 10-11-ին տե­ղի ու­նե­ցող հա­մաժո­ղովը այս տա­րի կը կրէ «Ինքնիշ­խա­նու­թե­նէ դէ­պի հա­մագոր­ծակցու­թիւն» խո­րագի­րը: Քննար­կումնե­րու առանցքը կը կազ­մեն մի­ջազ­գա­յին տագ­նապնե­րը, անվտան­գութեան մար­տահրա­ւէր­նե­րը, տնտե­սական հա­մագոր­ծակցու­թիւնը, նոր ար­հեստա­գիտու­թիւններն ու կլի­մայա­կան խնդիր­նե­րը:

Վար­չա­պետ Փա­շինեան
ժա­մանեց Ան­թա­լիա

Վար­չա­պետ Փա­շինեան Փա­րիզեան հան­դի­պումնե­րէն ետք ժա­մանեց Ան­թա­լիա, այս ան­գամ մաս­նակցե­լու հա­մար Միացեալ Ազ­գե­րու Կլի­մայի Փո­փոխու­թեան 31-րդ Հա­մաժո­ղովի (COP31) ըն­թացքին կա­յանա­լիք Առաջ­նորդնե­րու Գա­գաթ­նա­ժողո­վին։

Ար­մենփրե­սի փո­խան­ցումին հա­մաձայն՝ Փա­շինեան Թուրքիա այ­ցե­լու­թեան մա­սին տե­ղեկու­թիւնը կի­սած է իր Ֆէյսպու­քի էջէն։ Հա­յաս­տա­նի վար­չա­պետը Ան­թա­լիոյ մի­ջազ­գա­յին օդա­կայա­նին մէջ դի­մաւո­րուած է Թուրքիոյ մշա­կոյ­թի եւ զբօ­սաշրջու­թեան փոխ­նա­խարար Սեր­տար Չա­մի կող­մէ։ Առաջ­նորդնե­րու Գա­գաթ­նա­ժողո­վէն առաջ Փա­շինեանը դի­մաւո­րած են նաեւ ՄԱԿ-ի գլխա­ւոր քար­տուղար Ան­թո­նիօ Կու­թե­րեշը եւ Թուրքիոյ նա­խագահ Ռե­ճեփ Թայ­յիպ Էր­տո­ղանը։

Փա­շինեանի այ­ցե­լու­թեան ըն­թացքին նա­խատե­սուած է նաեւ, որ ան երկկող­մա­նի հան­դի­պումներ ու­նե­նայ օտար գոր­ծընկեր­նե­րու հետ։

Թուրքիոյ նա­խագահ Ռե­ճեփ Թայ­յիպ Էր­տո­ղան, Սեպ­տեմբե­րին Նիւ Եոր­քի մէջ Փա­շինեանի հետ ու­նե­ցած հան­դիպման ըն­թացքին, Հա­յաս­տա­նի վար­չա­պետը հրա­ւիրած էր COP31-ի Առաջ­նորդնե­րու Գա­գաթ­նա­ժողո­վին։ Նո­յեմ­բե­րի 9-20-ին Ան­թա­լիա կա­յանա­լիք COP31-ի շրջա­նակին մէջ՝ Նո­յեմ­բե­րի 11-12-ին, աշ­խարհի առաջ­նորդնե­րու մաս­նակցու­թեամբ կը կա­յանայ Առաջ­նորդնե­րու Գա­գաթ­նա­ժողո­վը։

Նո­յեմ­բե­րի 11-ին, կայացած է Էրտողան-Փաշինեան հանդիպումը։ Երկու երկիրներու հրապարակած պաշտօնական յայտարարութիւններուն մէջ նշուած է, որ երկու առաջնորդներն ալ շեշտած են մինչեւ օրս ձեռնարկուած քայլերը, ձեռք բերուած համաձայնութիւնները, ինչպէս նաեւ առեւտրական եւ տնտեսական յարաբերութիւններու հետագայ զարգացման կարեւորութիւնը։