Ոչ համոզիչ դատական վճիռներ

Թուրքիոյ հա­սարա­կական օրա­կար­գի կա­րեւո­րագոյն խնդիր­նե­րէն մէկն ալ բո­լորո­վին քա­ղաքա­կանա­ցած դա­տական հա­մակարգն է։ Այս հաս­տա­տու­մը ար­դա­րաց­նող երե­ւոյթնե­րէն մէկն ալ պար­զո­ւեցաւ 24 Օգոս­տոս եր­կուշաբ­թի օր, երբ բա­ւակա­նին ծանր մե­ղադ­րանքնե­րով յա­րու­ցո­ւած դա­տավա­րու­թիւնը աւար­տին հա­սաւ բո­լորո­վին տար­բեր ար­դիւնքով մը։

Իշ­խա­նամէտ մա­մու­լը ամիս­ներ առաջ շռնդա­լից տո­ղերով յայ­տա­րարած էր ընդդի­մադիր կու­սակցու­թե­նէ ընտրո­ւած քա­ղաքա­պետա­րան­նե­րու մէջ կա­շառա­կերու­թեան դէպ­քի մա­սին։ Ար­դա­րեւ այս ուղղու­թիւնով յա­րու­ցո­ւած հար­ցաքննու­թեան թղթած­րա­րը դա­տախա­զի կող­մէ անո­ւանո­ւած էր «Ազիզ Իհ­սան Աք­թա­շի յան­ցա­գործ կազ­մա­կեր­պութեան հար­ցաքննու­թիւն» ձե­ւով։

Տա­կաւին այ­դօր իսկ պար­զո­ւած էր թէ այս խնդրին հետ առնչո­ւած գոր­ծա­տէրը ան­ցեալին զա­նազան գոր­ծեր ստանձնած էր իշ­խա­նամէտ քա­ղաքա­պետա­րան­նե­րէ ու նաեւ նա­խարա­րու­թիւննե­րէ։ Սա­կայն երբ ան փոր­ձեց գոր­ծեր ստա­նալ ընդդի­մադիր քա­ղաքա­պետա­րան­նե­րէ, յան­կարծ ինքնու­թիւնը գաղտնի վկա­ներու ցուցմունքնե­րով յայտնո­ւեցաւ կա­շառք տո­ւողի դիր­քին մէջ։ Դա­տական որո­շու­մի զար­մա­նալի կող­մը այն է թէ կա­շառք տա­լը խոս­տո­վանող Ազիզ Իհ­սան Աք­թաշ ան­պարտ հռչա­կուած է, իսկ իբ­րեւ թէ կա­շառք ստա­նալով մե­ղադ­րո­ւած քա­ղաքա­պետ­նե­րը եւ քա­ղաքա­պետա­րան­նե­րու անձնա­կազ­մը ծանր բան­տարկու­թիւննե­րու դա­տապար­տո­ւած։

Այ­լեւս ոչ ոքի հա­մար գաղտնիք է կա­տարո­ւած բե­մադ­րութիւ­նը։ Նա­խագահ Էր­տո­ղան եւ անոր են­թա­կայ քա­ղաքա­կան կու­սակցու­թիւնը կը փոր­ձէ ժո­ղովուրդի ձայ­նե­րով կորսնցու­ցած քա­ղաքա­պետա­րան­նե­րը ետ ստա­նալ դա­տական վճիռ­նե­րով։

Այս մա­սին ամե­նավառ օրի­նակն է Շիշ­լիի ընտրեալ քա­ղաքա­պետ Ռե­սուլ Էմ­րահ Շա­հանի ձեր­բա­կալու­թիւնը։ Քա­ղաքա­պետը կա­սեցու­ցած էր բազ­մա­յարկ շի­նու­թիւն մը, որ եր­թե­ւեկու­թեան եւ են­թա­կառու­ցո­ւած­քի առու­մով լուրջ խո­չըն­դոտներ պի­տի յա­ռաջաց­նէր իր բարձրա­ցած տա­րածաշրջա­նին մէջ։

Քա­ղաքա­պետ Ռե­սուլ Էմ­րահ Շա­հանի ձեր­բա­կալու­թե­նէն ետք, այդ պաշ­տօ­նին նշա­նակո­ւած տե­ղապա­հի առա­ջին գոր­ծը եղաւ նա­խորդ որո­շու­մը չե­ղար­կել եւ շա­րու­նա­կել շի­նու­թեան։