Թուրքիայի գրականության վարպետներից մեկը՝ Վեդաթ Թյուրքալին, կյանքից հեռացել է 97 տարեկան հասակում։

Թուրքական Ջիզրեի ոստիկանության շենքի վրա պայթուցիկով բեռնված բեռնատարով հարձակում է իրականացվել։ Ոստիկանության շենքը գտնվում է Ջիզրե-Շըրնաք ավտոճանապարհի վրա։ Պայթյունի հետևանքով 11 ոստիկան է զոհվել, 70-ից ավել վիրավոր կա, նրանցից 4-ի վիճակը ծանր է։

Կալանավորվել են ‹‹Օզգյուր գյունդեմ›› թերթի գլխավոր խմբագիր Զանա Քայան և հրատարակչական բաժնի տնօրեն Ինան Քըզըլքայան, ովքեր ավելի վաղ ձերբակալվել էին:

Թուրքիայում հայտարարված եռամսյա արտակարգ իրավիճակում Ֆեթուլահական ահաբեկչական խմբավորման մասը կազմելու մեղադրանքով 131 լրատվական կառույց փակվել է, 2 հազար 308 աշխատակից՝ մնացել գործազուրկ։

Հուլիսի 31-ին Ստամբուլի Աթաթուրքի անվան օդանավակայանի մուտքի մոտ քաղաքացիական հագուստով ոստիկանները անձնագրի ստուգման համար կանգնեցրել են մեքենան, որում եղել է նաև Ֆրանսիայի քաղաքացի ազգությամբ հայ Ռիչարդ Դեմիրջին։ Ռիչարդ Դեմիրջին վտարվել է Թուրքիայից, քանի որ ստուգում իրականացնողներին ասել է՝ Ֆրանսիայի հայ է։ «Թուրքերեն ես խոսում, ինչպե՞ս թե թուրք չես»,- հարցրել են ոստիկանները Դեմիրջիին, ում այժմ արգելվում է մուտք գործել Թուրքիայի տարածք։

Թուրքիայում հուլիսի 15-ի զինվորական հեղաշրջման փորձից հետո աշխատանքից հեռացվել են Ստամբուլի քաղաքապետարանի՝ Մշակույթի և մասնագիտական կրթության դասընթացների մի շարք աշխատակիցներ։ Նրանց թվում է նաև հայազգի Արի Հերգելը, ով արդեն ութ տարի է դասավանդում է այդտեղ։

Ստամբուլի Աթաթուրք օդանավակայանի մուտքի մոտ քաղաքացիական հագուստով ոստիկանները անձագրի ստուգում են իրականացրել։ Ռիչարդ Դեմիրջին վտարվել է Թուրքիայից, քանի որ ստուգում իրականացնողներին ասել է՝ Ֆրանսիայի հայ է։ «Թուրքերեն ես խոսում, ինչպե՞ս թե թուրք չես»,- հարցրել են ոստիկանները Դեմիրջիին, ում այժմ արգելվում է մուտք գործել Թուրքիայի տարածք։

Թուրքիայի նախագահ Ռեջեփ Թայիփ Էրդողանը հայտարարել է, որ հրաժարվելու է իրեն վիրավորելու համար հարուցված դատական գործերից։ Էրդողանի փաստաբան Հուսեյին Այդընը նշել է, որ Ժողովուրդների ժողովրդավարական կուսակցության (ԺԺԿ-HDP) դեմ հարուցված դատական գործերից բացի մյուս բոլոր դատական գորժերից հրաժարվելու են։

Հրանտ Դինքի սպանության գործով մեկ գնդապետ, երկու ենթասպա, մեկ սերժանտ, մեկ հրատարակչատան սեփականատեր են ձերբակալվել։ Ընդհանուր առմամբ ձերբակալվել է 5 հոգի։

Թուրքիայում հայտարարված եռամսյա արտակարգ դրության պայմաններում առգրավվել է հայ բժիշկ Արետ Քամարին պատկանող «Ստամբուլի արհեստական սերմնավորման» կենտրոնը։ Առգրավման հիմնավորումն այն է, որ կենտրոնը կապեր ունի Ֆեթուլահ Գյուլեն ահաբեկչական կազմակերպության հետ։

«Amnesty International» իրավապաշտպան կազմակերպությունը․ «Վկայություններ կան, որ բերման ենթարկվածները բռնաբարության, խոշտանգումների են ենթարկվում, վատ վերաբերմունքի արժանանում»։

Թուրքիայի Ազգային անվտանգության խորհրդի և Նախարարների խորհրդի հանդիպումից հետո Թուրքիայի նախագահ Ռեջեփ Թայյիփ Էրդողանը հայտարարել էր արտակարգ դրություն մտցնելու որոշման մասին։ Որոշումն արդեն «Պաշտոնական» թերթում է։

Թուրքիայի ներքին գործերի նախարարության 8 հազար 777 աշխատակից հեռացվել է պարտականություններից: Հայտնի է դարձել, որ պարտականություններից հեռացվածներից 7 հազար 899-ը ոստիկանության աշխատակիցներ են:

‹‹Լրագրողներ առանց սահմանների›› (RSF) կազմակերպությունը այտարարություն է տարածել Թուրքիայի լրագրողների մասին, ովքեր օրեր առաջ տեղի ունեցած հեղաշրջման փորձի ընթացքում ճնշումների, հարձակումների են ենթարկվել, սպանվել:

Թուրքիայում իրականացված անհաջող հեղաշրջման փորձի դեմ բողոքի ցույց իրականացնելու համար երեկ երեկոյան փողոց դուրս եկածներից որոշները քարերով և մուրճերով հարձակվել են Տրապիզոնի Սուրբ Մարիա կաթոլիկ եկեղեցու և Մալաթիայի բողոքական եկեղեցու վրա: Նրանք փորձել են մուտք գործել եկեղեցիների տարածք:

Թուրքական TRT հեռուստաալիքով ըթերցվել է ‹‹Հայրենիքի խաղաղության խորհուրդ›› կոչված խմբի հաղորդագրությունը, որում նշվում է, որ Թուրքիայի կառավարությունը վերցրել են իրենց ձեռքը:

Թուրքիայում լրատվամիջոցներին ուղղված ճնշումները գնալով մեծանում են։ Սրա հետ կապված մի խումբ լրագրողներ նոր նախաձեռնություն են սկսել։ Նախաձեռնությունը, որը կրում է «Ես լրագրող եմ» խորագիրը, լոգո-արշավ է սկսել։ Նշված լոգոն օգտագործվելու է թերթերում և լրատվական կայքերում։

Ըստ հոկտեմբերի 10-ին Անկարայում տեղի ունեցած ահաբեկչական հարձակման առնչությամբ պատրաստված մեղադրական ակտի տվյալների՝ Յունուս Դուրմազի՝ պայթյունն իրականացրած մահապարտի համակարգչում հայտնաբերվել են տեղեկություններ ամբողջ Թուրքիայի տարածքում գտնվող եկեղեցիների մասին, ահաբեկիչը նաև տեղեկություններ է հավաքել ալևիներով բնակեցված տասնյակ գյուղի և մշակութային կազմակերպության մասին:

Թուրքիայի «Ժողովրդա-հանրապետական» կուսակցության՝ Միգրացիայի և փախստականների հարցերով հանձնաժողովը հրատարակել է զեկույց՝ «Սահմանների միջև մարդկության դրամայից մինչև մարդկության քննություն» վերնագրով։ Զեկույցն անդրադառնում է նաև Թուրքիայում ապաստան գտած ոչ մահմեդական փախստականների հարցերին․ «Թուրքիայիում դժվար է փախստական լինել․ ոչ մահմեդական փախստական լինելն էլ ավելի դժվար է»։