«Ակօս»ի նախորդ թիւերուն վրայ ծանօթացուցած էինք Կիլիկիան թագաւորութեան պատմական անցեալը նիւթ առնող ժապաւէնի մասին։ Այս թիւով մեր ընդերձողներուն ուշադրութեան կը յանձնենք Սարիկ Սեւադայի շահեկան հարցազրոյցը ֆիլմի բեմադրիչ եւ սցենարի հեղինակ Աշոտ Առաքելեանի հետ։
ՍԱՐԻԿ ՍԵՒԱԴԱ
Ողջոյն Աշոտ, խօսինք «Կիլիկիա. Առիւծների երկիր» ֆիլմի ստեղծման մասին։ Ինչպէս առաջացաւ նախագծի ստեղծման գաղափարը։
Այս նախագիծը կեանքի կոչուած է «Գոհար» սիմֆոնիկ նուագախմբի եւ երգչախմբի հիմնադիր՝ Խաչատուրեան ընտանիքի, մասնաւորապէս, լիբանանահայ Յարութ Խաչատուրեանի նախաձեռնութեամբ։ Ֆիլմը նպատակ ունի սերունդներու մէջ վառ պահել երբեմնի հզօր եւ հպարտ թագաւորութեան ժառանգները ըլլալու գաղափարը։ Կիլիկիայի պատմութիւնը ներկայացնող ֆիլմը մեծ արձագանգ գտաւ յատկապէս լիբանանահայերու ու աշխարհասփիւռ հայերու շրջանին, քանի որ անոնց մեծամասնութիւնը իր արմատներով հէնց այնտեղէն կը սերէ։ Կիլիկիոյ դրօշները, որոնք բազմիցս ծածանուած են «Գոհար»ի համերգներու ժամանակ բազմահազար հանդիսատեսի կողմէ, այժմ ծածանուելու են էկրանէն այն կողմ՝ պատմական հերոսներու ձեռքերուն։ Պէտք է նշեմ, որ շատ հետաքրքիր եւ միեւնոյն ժամանակ պարտաւորեցնող է «Գոհար»ի հետ աշխատիլը, քանի որ արդէն երկար տարիներ բազմաթիւ նախագիծեր իրականացուցած ենք եւ այդժամ՝ համագործակցութիւնը մատնուած եղած է մշտական յաջողութեան։ 2015-ին Լիբանանին կայացած համերգային ծրագրերու պատրաստման ժամանակ համացանցի նիւթեր կը փնտրէին Կիլիկիայի թագաւորութեան մասին՝ չգտնելով այդ ժամանակաշրջանի մեր պատմութիւնը արտացոլող որեւէ պատշաճ ֆօթօ կամ վիտէօ նիւթ, միտք առաջացաւ տեսանելի դարձցնել մեր հայոց հպարտ թագաւորութեան մասին պատմութիւնը։ Արդիւնքին սկսուեց Կիլիկիայի մասին պատմող առաջին եւ միակ կինօժապաւէնի ստեղծման գործընթացը, որն այս պահին պատրաստ է համաշխարհային կինօարտադրութեան ոլորտին յայտնի եւ ընդունուած ֆիլմ-ակնարկի ձեւաչափով։
Ի՞նչ ձեւաչափով նկարահանուած է ֆիլմը։
Ֆիլմ-ակնարկներու արտադրական ընթացքը թէ՚ ժամանակացոյցի, թէ՛ ծաւալի տեսանկիւնէն կը համապատասխանէ լիամեթրաժ ֆիլմ ստեղծելու գործընթացին։ Մեր նպատակն էր ստեղծել բարձր որակային չափանիշներուն համապատասխան կինօժապաւէն, որը կը յաւակնի իր խօսքը ըսել ժամանակակից պատմական համաշխարհային ֆիլմ արտադրութեան ասպարէզին եւ Հայաստանը ճանաչելի կը դարձնէ՝ որպէս այս ոլորտի զարգացման մեծ ներուժ ունեցող երկիր։ Բոլոր նկարահանումները կատարուած են Հայաստան, սկսած զանգուածային մարտի տեսարաններէն մինչեւ ծովամարտ, որի նկարահանումները իրականացուցած ենք հէնց «Կիլիկիա» նաւու վրայ։ Ժապաւէնը յագեցած է հարուստ վիզուալ լուծումներով եւ համակարգչային կրաֆիքայով։ Առաջին ֆիլմ-ակնարկը կը ներկայացնէ Կիլիկիայի պատմութիւնը՝ հիմնադրման օրուանէն մինչեւ ամենաազդեցիկ թագաւորներէն մէկու՝ Ռուբինեաններու տոհմէն սերող Լեւոն Մեծագործի գահակալումը։ Երկրորդ ֆիլմ-ակնարկը կ՚արտացոլէ 13-րդ դարի իրադարձութիւնները, Լեւոն I թագաւորի դուստր Զապէլի, նրա խնամակալ Կոստանդին Պայլի եւ Զապէլի ամուսին՝ Հեթումեանների դինաստիայի հիմնադիր Կիլիկիոյ թագաւոր Հեթումի կերպարները, տիրող պալատական բարքերը ու խարդաւանքները։ Երրորդը կը ներկայացնէ 1219-1375 թթ. պատմութիւնը՝ Լեւոն III-ի գահակալման տարիները, չորս կողմից կեղեքուող Կիլիկիան եւ վերջին թագաւոր Լեւոն V Լուսինեանին, որի յուղարկաւորութիւնով ալ կ՚աւարտուի ֆիլմ-ակնարկը։
Յառաջիկային՝ Սեպտեմբերի 12-ին, Երեւան տեղի կ՚ունենայ ֆիլմի շնորհանդէսը։ Ի՞նչ սպասելիքներ ունիք հայ հանդիսատեսէն։
Բնականաբար կողջունեմ թէ դրական, թէ բացասական կարծիքները, քանի որ դրականը միշտ պարտաւորեցնող է։ Իսկ առողջ քննադատութիւնները, առհասարակ, ես միշտ կ՚ընդունեմ, քանի որ այն միշտ կը սթափեցնէ։ Հետաքրքրուածութիւնը մեծ է, այդ իսկ պատճառով որոշեցինք ֆիլմ-ակնարկները հասանելի դարձնել լայն հանրութեան համար։ Դրանք կը ցուցադրուին Հայաստանի մի շարք կինօթատրոններ։
Որպէս ֆիլմի ռեժիսոր՝ ի՞նչ նոր բացայայտումներ ըրիք ձեզ համար։ Ինչպիսի՞ն էր աշխատանքային գործընթացը։
Կ՚ուզեմ շնորհակալութիւնս յայտնել բոլորին, ովքեր աշխատած են այս ֆիլմի ստեղծման վրայ, իսկապէս՝ շատ մեծ աշխատանք տարուած է։ Այս նախագիծը ապացոյց է՝ երբ քու առջեւ կը դնես նպատակ, ապա անպայման կը հասնիս այդ նպատակին։ Ֆիլմ-ակնարկները Կիլիկիոյ նոր նաւն է, որը մեծ շուքով կը ճանապարհենք նաւարկելու համաշխարհային կինոյի մեծ ովկիանոս՝ նպատակ ունենալով ապագային Կիլիկիայի փառահեղ պատմութիւնը աշխարհին ներկայացնել մեծ էկրաններէն։
Խօսինք նաեւ «Տոմինօ Փրոդաքշըն»-ի մասին, ե՞րբ է այն հիմնադրուած եւ ի՞նչ աշխատանքներ իրականացուցած է։
«Տոմինօ Փրոդաքշն» ը հիմնադրուած է 2009թ-ին։ Պրոդիւսերական եւ վիտէօ արտադրական մեր փրոֆէօսիոնալ կազմակերպութիւնը ունի միջազգային շուկային իրականացուած նախագիծերու բաւականին փորձ։ Որդեգրելով մեր ուրոյն գործելաոճը՝ մեր ողջ գործունէութեան ընթացքին մեր հանդիսականին, գործընկերներուն եւ բոլոր անոնց ովքեր գէթ մէկ անգամ առնչուած են «Տոմինօ Փրոդաքշն»ի հետ մենք ստեղծած եւ փոխանցած ենք վառ ու անմոռանալի տպաւորութիւն։
