Տարին քանի կը մօտենայ աւարտին, թափ կը ստանան Կոմիտասի յիշատակման նուիրուած միջոցառումները։ Նախորդ թիւերուն մէջ անդրադարձած էինք Կեդրոնական վարժարանի սաներուն մատուցած Կոմիտասեան միջոցառումներուն։ Այս անգամ Էսաեան վարժարնն է, որ նման բովանդակութեամբ կը պատրաստուի յիշատակել Մեծն Կոմիտասը։
26 Նոյեմբեր երեքշաբթի Էսաեան վարժարանի սրահին մէջ պիտի բանախօսէ Հայր Թաթուլ Ծ. Վրդ. Անուշեան եւ ելոյթ պիտի ունենան վարժարանի շրջանաւարտ արուեստագէտ եւ արուեստագիտուհիները։
Այսպէսով անգամ մը եւս պիտի պանծացուի Մեծն Կոմիտասի վաստակը Էսաեանի երդիքին տակ։
Ինչպէս նախապէս ալ նշած ենք, միշտ ողջունելի է Կոմիտասը յիշատակելու ձօնուած բոլոր միջոցառումները եւ փորձով գիտենք, թէ անոնք առհասարակ կ՚արձանագրեն յաջողութեան որոշ մակարդակ։ Ուրեմն մենք ալ այժմէն յաջողութիւն կը մաղթենք Էսաեանի սաներուն, իրենց որդեգրած այս աշխատանքի մէջ։