Պէյօղլուի Սուրբ Երրորդութիւն եկեղեցւոյ վարչութեան անդամ Սիմոն Չեքեմի Նոյեմբեր ամսուան մէջ Նախաձեռնարկ Մարմինի դէմ յարուցած դատը աւարտին հասաւ։ Իսթանպուլի Հիմնական Իրաւական Ատեանը մերժեց դատավարութիւնը։
Չեքեմ Ներքին Գործոց Նախարարութեան ապօրէն կանոնագրին դէմ առարկութիւն չունեցող Նախաձեռնարկ Մարմինի դէմ բողոքած էր դատարան, ըսելով որ Նախաձեռնարկ Մարմինը թերացած է իր պարտականութեան մէջ, ուստի պէտք է լուծարկուի։ Այս մասին դատարանը դիմած էր Ներքին Գործոց Նախարարութեան դիտարկման եւ կուսակալութենէ եկած լուսաբանութեան հիման վրայ ալ մերժած էր դատավարութիւնը։
Չեքեմ այս մասին «Ակօս»ին յայտնեց, թէ որոշումին դիմաց պիտի առարկէ Վճռաբեկ Ատեանի միջոցաւ։
