ՀՏՓ կուսակցութեան պատգամաւոր Թումա Չելիք Մամոլոյ յայտարարութիւն մը հրապարակելով ըսաւ. «Ինչ որ տեղի ունեցած է անցեալին, իշխանութիւններու վերաբերմունքը այդ հարցի նկատմամբ նոյնն է, Տիրիլ ամոլի անհետացման մասին։ Կը նպատակադրուի անհանգստացնել այդ շրջանի ասորի քաղաքացիները, որ այժմ փոքր թիւ մը կը կազմեն, եւ ապա մտահոգութեան մատնել մեծ թիւով ասորիներ, որոնք կը ցանկանան վերադառնալ իրենց նախկին հողերուն»։
Չելիք օգտագործած է հետեւեալ յայտարարութիւնները իր հարցագրին մէջ։
«Թուրքիոյ 90-ականները կը նշուին չբացայայտուած ոճիրներով եւ անյայտ կորածներով։ Արտակարգ դրութեան կիրառման արդիւնքին հազարաւոր բնակավայրեր ամայացած են։ Մեծ թիւով մարդիկ դարձած են չբացայայտուած ոճիրներու զոհեր։ Խորհրդարանի տուեալներով՝ 1998 թուականին պարպուած է մօտ 4 հազար բնակավայր։ Քննիչ մարմնի տուեալներով՝ մօտ 7 հազար մարդ անյայտ կորած է։ Ճշմարտութեան եւ Յիշողութեան Կենդրոնի տուեալներով՝ 90-ականներուն ձերբակալուած է 1352 անձ։ Տարածաշրջանի հնագոյն ժողովուրդներէն ասորիներն ալ, խիստ տուժած է այս բռնութիւններէն։ Ասորիներու Միութիւններու ֆեդերացիայի հետազօտութիւններու համաձայն՝ Մարտին, Շըրնաք եւ Հաքքարիի մէջ մօտ 50 ասորի քաղաքացի զոհուած է չբացայայտուած սպանութիւններու հետեւանքով եւ տասնեակ ասորի գիւղեր պարպուած են։
Հիւրմիւզ Տիրիլ եւ Շիմունի Տիրիլ՝ կորուստի վերջին դէպքը։ Տիրիլ ամոլը միակ ընտանիքն է, որը կը բնակուի Քովանքայա գիւղի մէջ, որը 1990-ականներուն տարահանուած է Շըրանքի Պէյթուլշապապի շրջանէն։
65-ամեայ Հիւրմիւզ Տիրիլ եւ 71-ամեայ Շիմունի Տիրիլէն Յունուարի 11-էն ի վեր լուր չէ առնուած։ Կուսակալութեան եւ գաւառապետի յայտարարութիւնները գոհացուցիչ չեն։ Փրկարարական աշխատանքները անբւարար են։ Կլիմայի աննպաստ պայմանները պատրուակելով միայն օդային հետապնդում կը կատարուի։ Դէպքի կապակցութիւնով դատախազութիւնը հետաքննութիւն սկսած է, սակայն որոշում կայացուցած է չհրապարակել հետաքննութեան արդիւնքները։
Միւս կողմէ Իսթանպուլի Քաղդէացիներու Վերապատուելի Ռեմզի Տիրիլ ալ յայտարարութիւն մը ընելով զգայնութիւն պահանջեց ծնողներուն յայտնաբերման համար։ «Ով որ առեւանգեց, թող նոյն տեղը թողու զիրենք» ըսաւ Ռեմզի Տիրիլ։
