Ազգերի ժողովրդավարական կուսակցությունը (ԱԺԿ-HDP) Սիլվանի և Նուսայբինի մասին հաշվետվություններ է ներկայացրել։ Սիլվանի հաշվետվության մեջ ԱԺԿ-ն ներկայացրել է նաև տեղեկություններ «Էսեդուլլահ թիմ»-ի մասին։ Ըստ հաշվետվության տվյալների՝ վերջին 6 ամվա ընթացքում 117 օր փողոց դուրս գալու արգելք՝ պարետային ժամ է հայտարարվել, իսկ հունիսի 7-ից մինչ այսօր կա 147 զոհ։

Նոյեմբերի 1-ի ընտրություններով Թուրքիայի մեծ ազգային ժողովի (ԹԱՄԺ) կազմի մեջ ընդգրկված հայ պատգամավորների աշխատանքին հետևելու և համայնքի սպասելիքների մասին նրանց տեղեկացնելու համար մոնիտորինգի խումբ է ստեղծվել։

Ռուսաստանը ստորագրել է Թուրքիայի դեմ ուղղված պատժամիջոցների փաթեթը, որից հետո Թուրքիայի նախագահ Էրդողանը և վարչապետ Դավութօղլուն հանդես են եկել հայտարարություններով։

Ստամբուլի Բայրամփաշա մետրոկայարանի մոտակայքում գտնվող վերնանցումին պայթյուն է տեղի ունեցել:

Պոլսահայ ընկերական կեանքէ ներս նախորդ շաբաթավերջին կարեւորագոյն նախաձեռնութիւններէն էր Հրանդ Տինք Հիմնարկի երկօրեայ գիտաժողովը։ Ան կը կրէր «Կործանուած քաղաքակրթութիւն՝ ոչ իսլամ բնակչութեան ունեցուածքը Օսմանեան Կայսրութեան անկումի եւ վաղ հանրապետական ժամանակաշրջանին» խորագիրը։ Պողազիչի Համալսարանի երբեմնի պատմական մատրան, իսկ այժմու անուանումով «Ալպէրտ Լոնկ» դահլիճի մէջ կայացած համագումարին կազմակերպման համար իրենց աջակցութիւնը կը բերէին քաղաքի երեք կարեւոր ԲՈՒՀ-երը՝ Պողազիչի, Սապանճը եւ Պիլ­կի հա­մալ­սա­րան­նե­րը։

«Ռուսաստանի հայերի միությունը», հայտարարելով, որ աջակցում է Ռուսաստանի խորհրդարանին ներկայացված Հայոց ցեղասպանության բանաձևը, Պետդումային քայլեր ձեռնարկելու կոչ արեց։

Ջումհուրիյեթ (Cumhuriyet) թերթի գլխավոր խմբագրի և Անկարայում թերթի ներկայացուցիչ Էրդեմ Գյուլի ձերբակալության դեմ փաստաբանների կողմից բողոք է ներկայացվել։

Դիարբեքիրում մամլո հաղորդագրության ընթացքում զինված հարձակում է տեղի ունեցել: Սպանվել է Դիարբեքիրի իրավաբանների ասոցիացիայի նախագահ Թահիր Էլչին:

«Cumhuriyet» թերթի գլխավոր խմբագիր Ջան Դյունդարը և Անկարայում թերթի ներկայացուցիչ Էրդեմ Գյուլը ձերբակալվել են Թուրքիայի ազգային հետախուզական ծառայությանը (MIT) պատկանող բեռնատար մեքենաների մասին ավելի վաղ հրատարակած նյութի և տարածած լուսանկարների պատճառով։