«Խաղաղութեան համար գիրքեր» համաշխարհային մրցանակը այս տարի կը շնորհուի պարսկահայ անուանի երգահան եւ խմբավար Լորիս Ճգնաւորեանին։ Մրցանակը 2017 թուականէն այս կողմ ամէն տարի կը շնորհուի խաղաղութեան ծառայող արուեստագէտի մը։
tehrantimes.com կայքէջի համաձայն մրցանակը շնորհուած է Լորիս Ճգնաւորեանի համավարակի օրերուն յօրինած «Քորոնա» անուն երաժշտական ստեղծագործութեան համար։ Գործը կը բաղկանայ երեք բաժիններէ «Յարձակում, Մահ, Կեանք»։
Ճգնաւորեան բացի Պարսկաստանէ մեծ համբաւ կը վայելէ Հայաստանի մէջ ալ։ Յիշողութիւններու մէջ տակաւին թարմ է Սպիտակի երկրաշարժի յաջորդող օրերուն անոր Կիւմրիէն Երեւան քայլարշաւը մեծ աղէտէն տուժածներու օգնելու նպատակաւ։
Պարսկաստանի Պրուքենթ քաղաքը ծնած 82-ամեայ անուանի երգահանը իր մրցանակը պիտի ստանայ 12 Սեպտեմբերին Իտալիոյ մայրաքաղաք Հռոմի մէջ կայանալիք հանդիսութեան ընթացքին։
